影片
更多
2008-10-05
19 瀏覽
師傅手頭上大大話話有成十幾個食評未寫, 但呢個食評真係要優先處理! 尋晚師傅心情爛透, 幸好有一班好友相約睇波暢飲, 令心情稍為好轉; 散場後難得好友食家"乜都放入窿"主動提出食宵夜, 師傅當然唔會拒絕啦!於是四圍走走, 由於都幾夜所以選擇唔多, 幸好呢間食店尚未打烊, 兩人決定黎呢度食番碗粉; 入到去竟然都幾多人, 不過好彩都仲有位; 坐後即刻睇下有咩好食啦, 師傅諗左一陣就要左碗黑椒牛丸麵同埋凍檸茶, 而好友食家"乜都放入窿"就柯打左碗牛雜米同埋凍華田, 再加多碟油菜!等左一陣好友食家"乜都放入窿"嘅牛雜米就到喇, 而油菜亦都跟住上埋枱, 最後師傅嘅黑椒牛丸麵亦都登場; 睇到好友食家"乜都放入窿"嘅牛雜米賣相唔差, 而師傅亦有幸試左件牛腸, 牛腸就幾大件加上幾肥添, 口感唔錯, 而且炆得好腍, 可以喎, 其仔就冇試喇, 都係留番比好友食家"乜都放入窿"自己講啦!至於師傅嘅黑椒牛丸麵, 一碗有五粒黑椒牛丸, 先講下個湯底, 湯底清清甜甜, 冇咩精, 味道頗好, 唔錯; 而黑椒牛丸就十分爽口, 加上黑椒香香辣辣, 非常惹味, 啱晒師傅胃口; 而麵質算爽口, 一d鹼水味都冇, 都可以啦!
於是四圍走走, 由於都幾夜所以選擇唔多, 幸好呢間食店尚未打烊, 兩人決定黎呢度食番碗粉; 入到去竟然都幾多人, 不過好彩都仲有位; 坐後即刻睇下有咩好食啦, 師傅諗左一陣就要左碗黑椒牛丸麵同埋凍檸茶, 而好友食家"乜都放入窿"就柯打左碗牛雜米同埋凍華田, 再加多碟油菜!
等左一陣好友食家"乜都放入窿"嘅牛雜米就到喇, 而油菜亦都跟住上埋枱, 最後師傅嘅黑椒牛丸麵亦都登場; 睇到好友食家"乜都放入窿"嘅牛雜米賣相唔差, 而師傅亦有幸試左件牛腸, 牛腸就幾大件加上幾肥添, 口感唔錯, 而且炆得好腍, 可以喎, 其仔就冇試喇, 都係留番比好友食家"乜都放入窿"自己講啦!
至於師傅嘅黑椒牛丸麵, 一碗有五粒黑椒牛丸, 先講下個湯底, 湯底清清甜甜, 冇咩精, 味道頗好, 唔錯; 而黑椒牛丸就十分爽口, 加上黑椒香香辣辣, 非常惹味, 啱晒師傅胃口; 而麵質算爽口, 一d鹼水味都冇, 都可以啦! 油菜就揀左通菜, 通菜都幾嫩綠, 賣相吸引, 掂呀; 而師傅杯凍檸茶味道唔會太甜, 都有少少茶味, 可以喎!
總括黎講食物質素頗好, 環境就光光猛猛, 有一種好舒服嘅感覺, 服務就一般啦, 冇咩特別, 而價錢都唔算貴, 廿二蚊一碗麵, 加多六蚊有杯凍飲, 而油菜亦係加多六蚊, 所以都幾抵食; 最難得係師傅可以摸完酒杯底, 再同好友食家"乜都放入窿"宵夜, 大吐苦水, 師傅實在無言感激; 埋單雖然係六十二, 但對師傅黎講呢餐真係無價, 笑臉絕對要比, 而且一定會再黎!
張貼
