大榮華圍村菜 (已結業)

今日放假，冇乜嘢做呀！突然間想去飲茶，就去咗大榮華飲茶。兩個人，叫咗四個點心，一碟炒麵。都好飽㗎啦！如叫多樣就飽到上心口。環境方面，空調就真係唔夠凍，坐喺度都仲要開風扇吹。服務方面，開頭就都有差，帶位嘅時候黑哂面，之後就感覺得冇乜特別。食物方面，算抵食下午茶點心即叫即蒸魚肉燒賣王，最啱我唔食得蝦！圍村小籠包，其實即係粉果皮小籠包餡。香煎西刀魚餅，食落去即係泰式魚餅。黑椒肉眼筋炒麵，肉眼筋比想像中硬咗少少！香煎蝦米腸幾好味，份量都大碟！