酒泉日本料理 (已結業)

呢間餐廳有做優惠晚市，七點之前有啲食物會有優惠，包括一啲壽司、燒物、同某 d 精選菜式。我哋叫咗 d 燒物。啲燒菇勁正，頗有燒烤嘅味道。＄7 一串我以為得兩粒，原來每串都有三粒，覺得物有所值。滑蛋吉列豬扒飯，鐵鍋上，新鮮整出嚟，份量好足，除咗滑蛋、豬扒同飯之外，仲有洋蔥絲、蘿蔔絲、同金菇，材料豐富！叫咗幾件壽司。特別推介帶子壽司，帶子幾新鮮。兩人自問唔細食，雖然叫得唔多嘢食，因為食物份量都大，都食到飽飽，埋單總共＄105，平均每人50幾蚊。如果水準 keep 到，我地會在返嚟再食架。