四寶食堂 (已結業)

今晚放工特別肚餓，所以起公司附近揾間餐廳食飽先返屋企。四寶食堂是我一直收藏的餐廳之一，因為每次經過佢都排長龍，但無奈我食飯時間只有一個鐘，所以趁呢個機會就試下啦。呢度唔單只d野好食，服務仲非常好，所以我先花時間寫呢個食評。叫左一個晚餐和一個小菜，晚餐仲送燉湯和飲品。燉湯香甜足料晚餐胡椒蜜糖雞，好香好入味。小菜魚香茄子魚柳煲，保持魚香茄子嘅香，但我覺得魚柳淋咗d。晚餐份量十足，又好食，又抵食，服務又好，下次一定帶埋屋企人和朋友過嚟試下。