影片
更多
2022-10-31
1396 瀏覽
又係食在元朗系列，星期日放假約個老友食晚餐，知佢都鍾意食日式燒肉，又唔想食黎食去都係牛字頭既連鎖店，就特登搵到呢間近朗屏屯馬線既涎燒肉店，交通非常方便。餐廳門面就好大，但入面就唔算話特別大，大約50個位左右啦，晚上6點半左右到都已經有6-7成客人，由於今日係walkin黎安排左坐吧枱，吧枱幾高下枱底有個籃俾你擺袋，另外仲有即棄圍裙，幾貼心，店內環境都幾舒適位與位之間唔會好迫，抽風都尚算可以唔會煙霧瀰漫，坐吧枱仲可以睇到師父切肉既情況，都係一種藝術。睇下餐牌啦，今日揀個睇落幾抵食既2人套餐，$538呢份餐仲有和牛食，就揀左呢份。麵豉湯落單無幾耐就上左3樣頭盤，湯黎講就比較咸少少，材料都唔多幾粒豆腐，普通野啦。茶碗蒸蒸蛋幾香有蛋味，食落都幾滑，不過材料都不多，味道就還可以啦。角切雜錦魚生柚子汁沙律沙律菜都算幾新鮮，魚生粒都有好幾款，其中螺肉我覺得最好食幾甜，鋪面果d蟹籽就好似腥少少。燒肉拼盤主菜黎啦，有5款肉，除左和牛同薄切果款牛板腱係4件，其餘都有6件，份量算是ok，肉都經過解凍，唔似有d燒肉店有時上枱時件肉仲係冰既，呢方面幾好，同埋某d肉無經過調味，所以更可以食到肉整本身既肉味，不過重
餐廳門面就好大，但入面就唔算話特別大，大約50個位左右啦，晚上6點半左右到都已經有6-7成客人，由於今日係walkin黎安排左坐吧枱，吧枱幾高下枱底有個籃俾你擺袋，另外仲有即棄圍裙，幾貼心，店內環境都幾舒適位與位之間唔會好迫，抽風都尚算可以唔會煙霧瀰漫，坐吧枱仲可以睇到師父切肉既情況，都係一種藝術。
睇下餐牌啦，今日揀個睇落幾抵食既2人套餐，$538呢份餐仲有和牛食，就揀左呢份。
麵豉湯
落單無幾耐就上左3樣頭盤，湯黎講就比較咸少少，材料都唔多幾粒豆腐，普通野啦。
茶碗蒸
蒸蛋幾香有蛋味，食落都幾滑，不過材料都不多，味道就還可以啦。
角切雜錦魚生柚子汁沙律
沙律菜都算幾新鮮，魚生粒都有好幾款，其中螺肉我覺得最好食幾甜，鋪面果d蟹籽就好似腥少少。
麵豉湯，茶碗蒸，角切雜錦魚生柚子汁沙律
130 瀏覽
0 讚好
0 留言
燒肉拼盤
主菜黎啦，有5款肉，除左和牛同薄切果款牛板腱係4件，其餘都有6件，份量算是ok，肉都經過解凍，唔似有d燒肉店有時上枱時件肉仲係冰既，呢方面幾好，同埋某d肉無經過調味，所以更可以食到肉整本身既肉味，不過重口味既朋友可能會覺得爭少少，店家提供既醬汁味道都不算好濃，個人覺得點鹽食更可提昇肉既味道。
蔬菜及野菌拼盤
蔬菜類都有好幾款，份量不少，比較特別係店家會提供埋溶左既牛脂肪，建議我地搽一層係d蔬菜度再燒會更香，呢個食法果然好好，1黎無咁易燒燶，2黎香好多，係暫時食過既燒肉店第1間提供呢種食法，加分。
蔬菜及野菌拼盤
35 瀏覽
0 讚好
0 留言
白飯
套餐跟飯，望落唔似係珍珠米，但食食下又見d飯粒幾圓下，唔知係咪溝米呢，食落都幾唔錯軟硬適中。
熱情果特飲，薄荷荔枝特飲
我同老友各揀一杯唔同既，我就要熱情果，味道酸酸甜甜加左梳打水，都幾好飲。
熱情果特飲，薄荷荔枝特飲
86 瀏覽
0 讚好
0 留言
壺漬牛肋條
食完個套餐我地覺得仲爭咁d，於是叫左款牛肋條，壺漬醃過牛肋條好入味，有3條，肉質都算軟腍，肉味都有，重口味既老友話呢個最好食喎。
壺漬牛肋條
$108
20 瀏覽
0 讚好
0 留言
整體黎講呢餐我個人非常滿意，價錢都不算貴，服務方面都幾好店員都好有禮貌解答客人既問題，以後食日式燒肉又多個選擇啦。
張貼
