Kuro Shabu (已結業)

最近去左上環食左間好高質既日式火鍋，餐廳環境好寬倘，坐得好舒服，啲服務仲要勁好，非常細心又有禮貌，好抵讚。呢間火鍋湯底係昆布湯底，清清地先唔會蓋過食物本身既鮮味。A4和牛有唔同部位，全部雪花都好靚，放落湯到拾幾秒就食得，入口即溶，肉質好滑，非常高質。我個人最欣賞佢嘅牛肩肉，牛味特別香濃，諗返都流晒口水。A5和牛就更加肥美，雪花好鮮明，拾幾秒牛肉仲有小小紅，但食落口感非常嫰滑。點埋餐廳秘製嘅柚子醋，好香柚子味，好夾好好食。黑豚肉一樣有唔同部位，肉質好靚好滑，冇牛肉咁肥，食落都冇咁有罪惡感。蔬菜好新鮮好鮮甜，就算食到好飽但都因為太好食食晒佢。