金田家 (已結業)

金田家 元朗認住金田先生個嘜頭，唔好行錯。晚餐時間好多人，不過人流好快，排左5分鐘就到我😽。快快手點個柚子辛口拉麵，芝士年糕，橙汁；朋友點豚肉拉麵，男爵薯餅，可爾必思。上菜速度幾快，傾左陣計就食得。碗拉麵上枱熱騰騰，豚肉拉麵既豚肉擺得好靚，好似一朵花🌸，豚肉肥瘦適中，朋友話好岩佢食。唔好睇少柚子辛口拉麵個pat辣醬，個人覺得幾辣👅，不過柚子味好香，撈個陣柚子味好出。而我同朋友都好like個拉麵質地，好食💋。芝士年糕好好味，濃濃既芝士流出黎，睇到都開心，年糕煙煙韌韌，好正👄。男爵薯餅分左牛肉薯餅和紫薯甘栗薯餅，個人喜歡紫薯甘栗，有少少栗子碎，有咬口，甜甜地。牛肉薯餅咬落去，好似溶係口甘，唔使咬就吞，懶人食法🤤。提一提，橙汁有橙肉，好得架🤭。