牛気 (雅蘭中心)

營業中

休息中

今日同朋友去旺角整野，食晏時朋友提議食＂牛気＂話佢的食物有質素夠新鮮。午市放題由$200到$700不等，我哋揀咗個中高價位嘅。套餐包括左澳洲穀飼黑安格斯牛、SRF 美國極黑牛放題以及海鮮放題！澳洲嘅安格斯牛肉相對細緻，紋理亦都比較清晰，至於S R F嘅牛肉油脂相對較多，入口都幾軟柔。而且總括而言，肉類嘅解凍做得唔錯食咗一輪嘅肉，當然仲有個多款海鮮要品嚐:大扇貝、鮮蝦、 花膠、蝦滑、青口，每款都新鮮！真係食返幾轉都回本！仲有仲有，挪威三文魚刺身都係任食㗎，師傅亦都切得好厚嘅一片，啖啖肥記住唔好忘記，要試一試自助區嘅食品，特別是佢嘅丸類真係五花八門，當中爆濃芝士丸、黃金墨魚燒、小籠包丸都係比較少見嘅，而最值得推薦嘅，一定係呢一款麻吉燒，裏面包含着芝麻同花生嘅餡料，口感好似湯圓一樣，放入鹹嘅湯底真係第一次試。全線嘅牛気個推出馬來西亞榴槤甜品系列，鍾意食榴槤嘅朋友，記住要去排隊。