MOUNTAIN

營業中

休息中

見到呢間餐廳新開，透過玻璃見到只有2枱客，以為會唔好食，但諗住試下既心態走左入去，點知入到去轉個彎原來仲有2排卡位，同埋已坐左幾枱客，卡位好大好靚，坐得好舒服叫左個黑松露雜菌燉飯，帶子沙律，雞翼，一杯70%特濃朱古力同一杯宇治抹茶拿鐵，飲左啖朱古力後，發覺有咖啡味，跟住同侍應（唔知係咪老闆）講我唔知係咪我叫錯，我想要無咖啡朱古力，一般餐廳既做法係check下單先，若顧客叫錯，通常都唔理你，但呢位侍應二話不說，單都唔check就話整過杯俾我，有咖啡個杯朱古力仲要唔收返叫我老公飲多杯，仲不停同我講唔好意思，而家好少餐廳有咁好既服務態度，加上佢食物唔錯，燉飯唔會太硬，沙律唔單只有菜，仲加埋雞蛋同蕃茄仔，雞翼都好好味，所以我一定會再去幫襯。