Chatterbox Café (AIRSIDE)

營業中

休息中

Item: Chatterbox Café (AIRSIDE)
Rating: 5
Author: hazelnutcracker

4.5

158 食評

味道

環境

服務

衛生

抵食

4899

九龍城

$101-200

新加坡菜咪嘥嘢食店

136

資訊:
餐廳:	Chatterbox Café (AIRSIDE)

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

hazelnutcracker

等級3

今晚去咗開幕差唔多一年嘅啟德Airside試下好有人氣嘅Chatterbox Café。雖然係平日夜晚，但係目測都坐滿咗8成！今次店員推介二人套餐，有前菜小食，加兩個主菜同一碟菜，仲有餐飲，都係$348，都算幾抵食。二人餐嘅前菜揀咗期間限定嘅香脆薄餅配咖喱汁同蔬菜條。薄餅上枱後，即刻試吓食，非常脆卜卜，加埋香濃嘅咖喱汁入口唔膩又開胃。好快前菜亦都上枱，我哋分別叫咗海南雞飯同埋加錢叫咗招牌大蝦喇沙(+$40)。海南雞飯嘅雞肉非常鮮嫩，配上香噴噴嘅油飯同埋醬汁，質素算係香港數一數二。至於招牌大蝦喇沙，湯底香濃，有淡淡嘅黑胡椒香味。當中嘅招牌大蝦肉質非常厚實，唔似出邊一般食到有雪藏味嘅蝦肉，再咬一啖索晒湯汁嘅豆卜，簡直係非常滿足。至於醬油生菜，就普普通通不過不失啦。餐飲方面，難得一場嚟到，就加錢試吓啲特飲，叫咗杯雪糕豆乳紅豆冰（+$24）同埋芒果菠蘿梳打（+$24)。兩杯飲品份量十足，雲呢拿雪糕味道香濃；芒果菠蘿梳打亦都有新鮮果肉，邊食啲濃郁嘅東南亞菜式邊飲特飲，啱啱好中和咗兩邊嘅味道。值得一提係餐廳啱啱新裝修，非常新淨闊落，坐得好舒服。樓面人手亦都充足，招呼周到，非常快就滿足到我哋嘅需要，

今晚去咗開幕差唔多一年嘅啟德Airside試下好有人氣嘅Chatterbox Café。雖然係平日夜晚，但係目測都坐滿咗8成！

今次店員推介二人套餐，有前菜小食，加兩個主菜同一碟菜，仲有餐飲，都係$348，都算幾抵食。

二人餐嘅前菜揀咗期間限定嘅香脆薄餅配咖喱汁同蔬菜條。薄餅上枱後，即刻試吓食，非常脆卜卜，加埋香濃嘅咖喱汁入口唔膩又開胃。好快前菜亦都上枱，我哋分別叫咗海南雞飯同埋加錢叫咗招牌大蝦喇沙(+$40)。海南雞飯嘅雞肉非常鮮嫩，配上香噴噴嘅油飯同埋醬汁，質素算係香港數一數二。至於招牌大蝦喇沙，湯底香濃，有淡淡嘅黑胡椒香味。當中嘅招牌大蝦肉質非常厚實，唔似出邊一般食到有雪藏味嘅蝦肉，再咬一啖索晒湯汁嘅豆卜，簡直係非常滿足。至於醬油生菜，就普普通通不過不失啦。

餐飲方面，難得一場嚟到，就加錢試吓啲特飲，叫咗杯雪糕豆乳紅豆冰（+$24）同埋芒果菠蘿梳打（+$24)。兩杯飲品份量十足，雲呢拿雪糕味道香濃；芒果菠蘿梳打亦都有新鮮果肉，邊食啲濃郁嘅東南亞菜式邊飲特飲，啱啱好中和咗兩邊嘅味道。

值得一提係餐廳啱啱新裝修，非常新淨闊落，坐得好舒服。樓面人手亦都充足，招呼周到，非常快就滿足到我哋嘅需要，真係要俾個讚佢哋。