長發海鮮酒家 (已結業)

酒樓好新淨，枱同枱之間好闊落，坐得舒服。有提供多款調味料，加埋個蓋，夠晒衛生有三款餐揀，全部兩位起，我地一共四人，都係揀左A餐($298)，之後再加隻龍蝦($208)未開始蒸海鮮之前，侍應將排骨，南瓜同米加入窩底。窩底(銀色位置會出蒸氣),個粥就係食埋海鮮之後成形啦！成個用餐過程都係侍應服務，一個staff睇兩至三枱，左下角timer響侍應就會黎serve,呢個setting的確唔錯！貴妃蚌，隻蚌同個茶杯差唔多大隻！蒜容粉絲蒸當然match啦！海鮮好新鮮！好多時海鮮大隻就會韌，不過呢度無呢個情況，咬口岩岩好！酒樓門口有個大魚池，我地點既龍蝦就係呢度捉上黎架啦！隻隻都生生猛猛！(廚師開邊後)波士頓龍蝦唔係好大隻，不過非常鮮味！蝦身彈牙，唔洗加調味料都已經perfect! 蟹鉗原隻上，肉質嫩滑。蒸完入面變成真空狀態，保留哂龍蝦汁既精華！石蠔勁大隻，專登放隻匙羹做比例！蒸得岩岩好，唔縮亦都唔韌。蠔味香無腥味！元貝，都係蒜容粉絲(好彩同之前既貴妃蚌分開)酒樓已經切走唔食得既部份，食客唔洗麻煩。海鮮過後係較濃味既和牛啦。煎，炒，燒，火鍋既煮法都試過，蒸就真係未試過！咁食可以清楚試到牛本身既味道，