犇道 (已搬遷) 新店位置

之前入屯門探朋友仔食過一次犇道，感覺好好，幾有質素，今次同朋友仔食犇道，不過就要上去佢屋企打邊爐，原來犇道轉型做門市及網購高級肉品。好，睇吓有咩好食先，呢度除咗凍肉，原來仲有外賣便當。美國cap牛小排，色澤紅潤，大理石油脂豐富，肉味鮮甜。美國cap牛三角，油脂豐富，有咬勁之餘唔會有筋。安格斯封門柳，最重牛味，肉味濃郁，而且部位罕有。韓國餃子，呢個韓式餃子超大粒，外皮夠薄，裏面餡料非常豐富，有肉有菜，連粉絲都有。