影片
更多
2020-12-23
123 瀏覽
疫情下所以堂食6點後無無哂，而天氣最近又開始凍，身邊所有朋友個個都各自打邊爐。屋企樓下街市得普通既肥牛，所以今日行遠小小去到龍門站呢到買，因為網上面見到佢地有火爐套餐。佢做緊優惠$388狂熱套餐，有4款既牛肉:牛小排、封門柳、牛頸脊、牛三角。仲有送多樣野，可以選振興肉丸 或者 韓國飽魚餃子，咁我就選左餃子，因為屋企已經買左振興丸。當日去買既時候，店員都有話個日D牛好靚👍美國CAP PRIME牛小排，佢D大理石紋勁靚囉，睇見都流口水，一開枱我就即刻烚左片。脂肪分布得好好，夠脂肪，肉質好鮮，入口即溶咁👍👍美國安格斯牛頸脊，佢肉片薄身，但夠大片。食落質感會厚身少少，因為大片，會相對比較有口味小小，我自己就覺得呢款好有口感，所以排佢第2位，但我細佬就無咁中意咬感，所以真係見人見智。美國極上牛三角，望落去既紋路都吸引。呢款口感就介乎上面兩款之間，有口感得黎軟嫩，好鮮牛肉味。美國安格斯封門柳，係牛橫隔膜肌肉。口感真係柳既質感，有口感，牛肉味最濃，我細佬就最中意呢款，男人應該會好中意封門柳。贈送既韓國飽魚餃子，個外形好攪笑，好大好長既餃子，好似一隻大蝦咁既樣。個餃子都食到一粒粒細粒既飽魚粒，但味道就
屋企樓下街市得普通既肥牛，所以今日行遠小小去到龍門站呢到買，因為網上面見到佢地有火爐套餐。
佢做緊優惠$388狂熱套餐，有4款既牛肉:牛小排、封門柳、牛頸脊、牛三角。仲有送多樣野，可以選振興肉丸 或者 韓國飽魚餃子，咁我就選左餃子，因為屋企已經買左振興丸。
當日去買既時候，店員都有話個日D牛好靚👍
美國CAP PRIME牛小排，佢D大理石紋勁靚囉，睇見都流口水，一開枱我就即刻烚左片。
脂肪分布得好好，夠脂肪，肉質好鮮，入口即溶咁👍👍
美國安格斯牛頸脊，佢肉片薄身，但夠大片。
食落質感會厚身少少，因為大片，會相對比較有口味小小，我自己就覺得呢款好有口感，所以排佢第2位，但我細佬就無咁中意咬感，所以真係見人見智。
美國極上牛三角，望落去既紋路都吸引。
呢款口感就介乎上面兩款之間，有口感得黎軟嫩，好鮮牛肉味。
美國安格斯封門柳，係牛橫隔膜肌肉。
口感真係柳既質感，有口感，牛肉味最濃，我細佬就最中意呢款，男人應該會好中意封門柳。
贈送既韓國飽魚餃子，個外形好攪笑，好大好長既餃子，好似一隻大蝦咁既樣。個餃子都食到一粒粒細粒既飽魚粒，但味道就普普通通啦。
張貼
