Bacchus (已結業)

Bacchus住於銅鑼灣嘅百樂中心，有一個懶人3-Course Menu，由廚師幫你諗埋食乜，令人忘卻諗食乜嘅煩惱！「幫你諗埋」Lazy Choice $358西餐版嘅Omakase，由廚師安排前菜、主菜、同埋甜品！夏日風情鵝肝多士香煎到外脆內綿嘅法國鵝肝，cutting好厚身，油香滿溢而且餘韻持久！香脆嘅多士可以用嚟索返溢出嘅肝油，倍感滋味！酒神夏日烤西班牙豬鞍西班牙豬鞍烤至七成熟帶少少粉嫩，做到個口感極為軟嫩，配搭帶夏日水果氣息嘅醬汁，真係好享受！自家製作提拉米蘇 ＋$59倒瀉咗嘅攞盤真係好趣致，啲手指餅唔再夾起中間，咁樣可以保持住脆身，口感得以提升，味道更上一層樓！