安南 (利園) (已搬遷) 新店位置

端午節飯+生日飯第二次食安南啦，不過哩間餐廳份量好多，所以之前得2個人食只係叫左2道菜。今次9大1小終於可以試多幾樣啦～燒安格斯牛柳沙律順化浮萍餅椰青蒸肉蟹牛肉湯河炭燒豬頸肉春卷蒸粉卷墨魚餅軟殼蟹燒雞大概就係叫左咁多樣餸~推介:::順化浮萍餅，個樣好特別，好似砵仔糕咁樣。以為會冇咩味道，點知食落去麵包粒好脆，蔥都灒過油好香，亦可以加少少魚露添味。蒸粉卷都好好食，粉皮晶凝通透，皮薄餡靚。燒安格斯牛柳沙律的牛柳好稔，個汁好開胃！斑蘭椰汁糕好軟熟，唔太甜，食多一兩舊都唔怕。唔記得影杯椰青水，佢有椰肉粒粒架！好有咬口。雖然係貴價越南菜，但係我覺得食物好高質，環境好靚好舒服，所以間唔中食下都可以呀，不過就真係要多幾個人食先可以試多幾樣野。