岩盤牛扒 ミディアムレア ステーキ (博文街) (已結業)

之前上Facebook 見到有介紹過呢間専食扒既日式餐廳，今次同朋友特登去大角咀朝聖。原來呢到係要比左錢先入座。 牛既部位有3款，有肉眼、牛柳同埋西冷，有300g 同400g 揀。店員即場切，會係你面前磅。300g 已經絕對夠食！之後開始問你會簡咩配料，有蔥油、洋蔥油同埋蒜油。另外加左$25 做set。 有飯/面鼓湯/茶/沙律 ，4選3。落完order店員會比個牌你等拎餐。 我同朋友分別試左牛柳同肉眼，佢係固定左五成熟。由於即叫即整，所以製作需時，等左大約十分鐘，個牌就會响。附上既醬汁原來唔係淋落去，係用黎點架！有少少柚子味，幾清新。 咁既價錢食到新鮮扒就真係好抵！食完係自助形式，要自己收返啲去個架度！