極品靚鍋 (已結業)

講起荃灣大鴻輝，就會唸到係打邊爐同放題既集中營，之前有好多間都試過🤭今次去一間年頭先開既✨極品靚鍋✨試下先❣️🍴食物🍴有套餐A,B,C選擇，主要分別係牛既種類，我地揀左C（19:00-21:30 $268）可以食哂幾款靚牛👏🏻湯底有12款選擇，我哋揀咗海底椰雪耳竹絲雞～店員好細心叫我哋試下湯先，海底椰味都幾重，飲完唔會口乾好滋潤👍🏻來到主打牛肉，幾款都有寫明灼幾多秒✨特別喜歡是澳洲短角牛牛柳：牛味濃，肉質軟嫩❣️另外美國SRF極黑牛肩胛肉眼：油花好平均，入口有溶化感覺😋套餐仲有花膠，蠔，帆立貝，蝦，豬肉羊肉等，菜類仲有冰菜同羽衣甘藍等少見款👍🏻另外飲品有好多自家製，有花茶，涼茶，雪梨茶等等......最後食埋甜品perfect😁💥環境💥好底好高，空間感超大，坐位好寬；空氣流通，冷氣好大，自助區亦好乾淨👍🏻💥服務💥用QR code落單，方便，亦都冇漏單情況，店員服務友善。