養心殿台式養生鍋 (已結業)

近來越嚟越多人話食過養心殿，朋友推介即管去睇吓佢咩料。Book咗尖沙咀分店，原來正正就係經典Why Club舊址。入到去餐廳，發現同一般火鍋格局已經唔同，走古代風格。不過食嘢裝潢都係其次，食材先最重要，睇睇湯底同餐單，無論食材定湯底都特別。選了麻辣拼美人鍋。湯底非常足料，美人鍋湯底非常好飲，隻原隻烏雞d肉都可以食。由於得兩丁友關係，丸類拼盤每樣兩粒剛好。每粒材料都好獨特（詳情見上面餐單六款丸類），非坊間一般火鍋店能食到。打邊爐牛肉一定係重點，雪花肥牛，牛肉味濃。食麻辣嘅 油炸鬼一定要試，效果比響鈴好，重點係浸完都仲脆！仲有必食推介，麻辣牛肉餃同寬粉條。海鮮方面，由於人少，只點了蟶子，但極新鮮，$48/隻 價錢合理。總結：始終一分錢一分貨，如果求食平DD，為咗果腹充飢，唔會推薦你嚟。但對於追求食物質素嘅朋友，非試不可，食完一定會再返嚟食。埋單兩條友食咗大概8舊幾，但絕對物超所值。