亞古鍋 (已結業)

打邊爐真係可列為全年活動呀，只要係有冷氣幾熱都想打個邊爐😆 平時我都好中意黎登龍街哩頭食飯，覺得好多間餐廳環境靚之餘野食都好有質素。哩間打邊爐係第一次試，睇中佢哩度招牌花膠湯底。招牌亞古鍋 $388哩個湯底真係好名貴，有花膠、螺頭、瑤柱、蟲草花等，個湯底係金黃奶白色，店員介紹我地飲左湯先再加湯打邊爐，梗係要細味一下啖靚湯啦。近鏡一下真係幾大塊花膠嫁，女士們恩物呀，美顏嫁！白膳片 $78 / 北海道走地雞 $188白膳片好新鮮呀，擺落鍋錄兩錄好快食得，好爽口呀，完全冇骨！走地雞肉質好爽，好有雞味，正！四合丸 $88 / 豚肉韮菜餃 $58四合丸係四款唔同口味既，有墨魚、蝦、豬肉、金腿茸、一次過試晒好正！水餃好足料，皮好薄但唔易穿，一咬開肉汁流出，美味。騸牯三寶 $688有3個幾特別牛既部位食到，我淨係聽過牛頸脊，另外既邊抓同腩包第一次聽😂 三個部位我比教中意食牛頸脊，爽口重牛味，腩包脂肪分佈最多，好林。哩度既牛都係好新鮮嫁，其實款款都係新鮮！食完哩餐好飽，非常滿足，而且哩度既服務態度都好好！