竹目日本料理 (已結業)

餐廳位於深水埗旺中帶靜嘅地方。附近食肆林立, 但真正的日本菜的餐廳, 一間會係比較似樣, 而且價錢公道、選擇夠多、豐儉由人。< 三文魚親子丼 > 三文魚肉、三文魚子都非常新鮮; 飯粒嘅煙韌度啱啱好。抵食!< 牛油果蟹籽軟殼蟹卷 > 鮮味嘅牛油果配蟹籽, 加上炸得鬆脆嘅軟殼蟹, 配搭非常清新好味。< 九州拉麵 > 湯底冇味精, 叉燒的肥瘦適中, 麵質可口、幼滑、彈牙。 木耳絲、昆布、蔥, 份量多,亦好味。溫泉蛋就麻麻地, 冇鹵水過, 亦冇溫泉蛋嘅效果。紫菜一上檯嘅時候已經浸曬落湯, 所以淋曬。