竹目日本料理 (已結業)

在香港吃日本定食套餐的話, 我都會選擇吃三色丼套餐 🍱這間的三色丼套餐, 裏面有魚籽、吞拿魚、海膽, 還附前菜、沙律及甜品$123+10%服務費整體可說是 OK, 包括：餐廳服務、食物口感和味道也可以

因疫情問題取消咗去日本睇樱花,假期日子唯有去食餐好嘢治愈下!呢間鋪平日都會路過,今晚一於嚟朝聖!叫咗一枱菜,有叉燒拉麵 鳗魚飯 牡丹蝦／帶子刺身 炸鷄件／鷄軟骨 燒魚干!個人鐘意個鳗魚,夠肥美,但個飯有少少硬。拉麵都幾好,個鹵水蛋夠滑及入味,帶子牡丹蝦刺身夠鲜甜,個魚干亦不俗,但個器皿我覺得太大,令人感官魚干份量太少。總括今晚所有食材都新鲜,味道亦不俗,可以一試再試!

當我想食日本菜,就會想起呢間位於深水埗的竹目日本料理.今晚又再order咗上次食過很美味的法式燒羊架, 今次覺得好食過上一次, 很好吃. 再試了一個帶子鵝肝炒飯, 加添了鵝肝的油份, 令到這個炒飯炒得更香很好味, 值得一試. 另外叫了兩客反卷味道也很不錯. 總括來說, 這個價錢有這樣的質素,是一間cp值高的日式料理.

繼續深水埗之行😀揀咗一間日本嘢 叫竹目門面裝飾幾靚 與周邊舊樓成對比第一印象很好 店外餐牌所標價錢一百元以內有一個午市套餐決定內進嚐鮮😀😃都選了套餐先來前菜 麵鼓湯及凍豆腐麵鼓湯正常 有兩舊豆卜的東西 頗有豆香凍豆腐質地結實 配上芝麻醬和炸蒜 很開胃前菜還有沙律酸酸辣辣的醬汁剛好中和剛剛凍豆腐的芝麻醬油膩感前菜很不錯喔 大家有跟我一樣期待主菜嗎？小妹叫的套餐是刺身配雜綿魚生飯 ($98)碗飯睇落細細 但飯都足夠一個女生吃別忘了還有刺身未來味道正常 以價錢來說算係咁啦 有三文魚粒 呑拿魚粒 蛋 蟹籽等這是😀的魚生飯 ($68)雖然刺身比我的少 但以價錢來說絕對是合格有餘又係大大隻蝦 三文魚 呑拿魚碗飯大到😀都食唔完最後甜品雪米糍 平民價錢但中產享受可以再戰 嚐嚐其他食物👍👍👍

成日行深水埗不過好少經過呢個位今日咁岩見到 又見裝修幾靚咁 就入黎試下入面坐位唔多 但裝修幾新 幾舒服 Weekend都有午市定食 百零蚊一個set好似唔算貴Set有湯 前菜 主食 小甜品湯同前菜正正常常 上得都好快主食要左個刺身定食同壽司定食刺身份量幾少下 個盤幾靚 但刺身認真麻麻食落唔新鮮咁 賣相唔係好得 隻蝦仲有少少霉😰壽司定食就樣貌正常 但偏細舊 上面塊刺身幾薄下甜品係一粒雪米糍😂都ok la總括有啲失望 好在價錢唔算太貴

話說 個晚係fd生日 而呢間舖係我之前成日路過 一直都心思思想試下。終於等到fd生日 同佢地一齊食試啦～我地三個人 經理建議我地可以order個二人餐 再加少少嘢。於是我地揀咗竹目嘅「目」餐。亦有另外加其他嘢 ～「目」餐有兩隻生蠔 再加咗一隻～師傅知我唔食蔥 特登幫我走蔥～🤣d蠔真係好新鮮 肉質肥美 口感Creamy$68一隻 都幾抵食呢個刺身盤真心驚艷 💗 拎過黎陣時 個經理介紹咗有幾款係飛機貨 但我已經 唔記得咗嚕～只係記得 全部都好好味新鮮又厚身 甘甜鮮味再來係壽司盛 原本係兩件 因為三個人 所以每樣都另外再加咗一件～ 最好味嘅實屬炙燒左口魚裙邊 入口即化 回味無窮。😋 海膽肥美又細膩 。另外order咗天婦羅大蝦卷 配上沙律醬認真美味。必試！串燒盤都唔錯～天婦羅亦好香脆 高質鰻魚炒飯真心一流 又係必試單品！ Overall， 果然冇揀錯。估唔到深水埗都有咁高質嘅日式料理。 💗

同好朋友聚會想食日本嘢，大家又住在附近，就揀咗呢間。大家都未嚐過但又被外貌留下印象，終於一試就知龍與鳳，唉………中伏。裝修常算幾好，但如果人坐滿就侍應們就無足夠空間走動。食物：魚生雖然無雪味及保持室温，但亦無魚味道。叫了7-8款壽司，亦有同樣事情發生，魚是不同類，但味道一樣“無魚味”………還叫北寄貝壽司，發現有2件係有沙……噢，叫了蟹子壽司都無味，還有雪味。侍應亦常加茶，服務一流。價錢並不是大眾價，當然會有寄望。可惜…可惜…最終只好及早埋單，止血為妙。

今日嚟到深水埗但係唔知食咩嘢好所以就見到有咩就食咩揀咗間食日本野因為本身自己都鍾意食日本野所以都覺得唔錯入面啲刺身料理都幾新鮮同埋都有水準嘅師傅刀法都幾講究同埋呢度都坐得幾舒服

今日做野經開深水埗～突然好想食日本野～上OpenRice 見呢到有得book位就梨左呢間～職員超級好招呼～飯都幫我地分埋～又原停幫我地加茶，完全唔洗自己開口，環境好有日式居酒屋感覺～食物都好新鮮有大量飛機貨～少有地每樣食物我都覺得唔錯～厚切劍魚腩刺身～好正～但唔記得影相🤣見佢有Omakase，好似有分幾種，見有竹，葵⋯⋯⋯今次第一次梨食，食住基本野先～下次再試omakse🤞🏼我真係好鍾意食日本野😎

今日心血來潮去左嘉頓山影相，原本諗住食牛扒，但是果間店排到入黑晚晚後巷，見到咁我緊係掉到走，朋友喺openrice 揾到竹目，其實之前買珠仔成日見到衣間嘢，一直都想試，因為衣間嘅門面同深水埗衣個地區有啲格格不入，但是佢都喺度好多年，所以就去試下喇～ 個menu 都幾多嘢食，但是已經攰到唔想諗嘢，叫左個二人set，有剌身，沙律，天婦羅🍤，串燒仲有個肥牛烏冬，仲有甜品，400幾蚊應有盡有，廢事諗就叫佢。啲員工好有禮貌，無叫都識加水，喺香港已經好難得。啲嘢食速度亦合適，唔會等太耐。剌身沙律：無特別sauce,清新開胃。刺身四點盛：新鮮厚切👍🏻壽司：飯有陣陣梅味，講究，又新鮮串燒雞三食：雞肉棒入面有雞軟骨，有口感，味度都點讚；燒雞皮，香口；燒雞翼無咩特別。天婦羅（忘了影相）：有四件，兩件炸蝦，一件矮瓜，一件南瓜，都係無咩特別牛肉烏冬：衣個好好食，湯清甜，肉柔軟而不失肉味甜品：兩粒雪糕糯米慈400幾與質素成正比，好食過好多地區日本嘢，可以一試😋

今日一家人到這家日本料理晚餐，因為朋友介紹所以一試，真的一試難忘，一定會有下次，食物質素算高，魚生非常新鮮，海鮮魚湯鍋物很鮮甜，可媲美高級日本料理，服務態度很好，今次晚餐非常滿意！

本身想去附近食馬拉嘢，但見要排隊，雖然唔多人，但係帶住細路就唔想等，行兩步見到呢間日本嘢門面幾清雅又唔駛排隊，即刻入去。入面裝修都好骨仔，服務員很有禮貌地幫我哋安排座位，仲主動問我要唔要BB櫈，又幫我綁好埋，抵讚睇餐牌喇，諗住深水埗會平啲，冇，不過又唔貴，屬正常價，選擇都多，未睇餐牌諗住叫嘅都有。嘢食樣樣都幾好味，刺身雖然有啲貴，但食得出係高級貨，唔係夾硬收貴你，切得厚薄適中。熟食亦煮得很有水準，不過唔記得影相。平時出街食飯我同老婆都首選日本嘢，貪佢冇咁油膩，老婆話呢間可以encore

行完鴨寮街，在openrice 上面找最近的食店。見到竹目，抱著一試的心態。叫了大吟釀，食魚生，看見新鮮魚生介紹有伊佐木和金線魚，便試一試。如果，食得出魚生是新鮮的的，於是有信心再試三文魚腩壽司和燒左口魚邊壽司。果然，有驚喜，三文腩，入口即溶，魚上已有調味，少少豉油便好好味。握壽司的手勢不俗，大小是一口剛剛好。有用心思左口魚邊是溶化之外仍有爽口的口味，好味。蔥吞拿魚腩小卷也十分好，飯粒與魚的配搭，真的有魚的味道。飯的溫度和味道也合到好處。熟食方面也有一定水準，一碟炒野菜和燒牛舌。不太多調味，卻能將食物原味帶出。十分滿意的星期五晚飯。

深水埗俾人嘅感覺都係比較平民同埋多元化，今次嚟到呢一間餐廳係比較時尚嘅日本料理餐廳，同其他深水埗嘅食肆好唔同。以竹主題作為裝修風格，整體比較日系嘅感覺。入到去有置身於日本既感覺，有啲類似日本居酒屋，一入去同深水埗街外嘅風景形成強烈嘅對比。今次先小試牛刀，先試下佢哋嘅午餐，佢嘅午餐比晚餐嘅定價平好多。前菜 味道有啲似中式蘿蔔炆牛腩，凍嘅版本，但食落都幾好食口感新鮮沙律 用上新鮮嘅沙律菜、蟹籽同埋芝麻醬，幾好食麵鼓湯 有驚喜，唔係平時用粉沖開嘅味道，而且唔會過鹹，配料都比較多刺身定食，包括有油甘魚、三文魚、八爪魚同甜蝦。上到枱，睇落去唔算十分肥美，但咬落去非常之新鮮，可能係因為午餐價錢比較實惠嘅關係，佢比嘅位置唔算太好，有啲部位甚至有筋，但係食得出係新鮮嘅。三文魚親子丼，三文魚不算肥美，白色嘅脂肪部位不多，但食得出用料新鮮。始終午餐嘅價錢同晚餐有別，睇黎要試佢真正嘅實力，要夜晚先再嚟啦，但今次用餐整體質素都唔差

餐廳位於深水埗旺中帶靜嘅地方。附近食肆林立, 但真正的日本菜的餐廳, 一間會係比較似樣, 而且價錢公道、選擇夠多、豐儉由人。< 三文魚親子丼 > 三文魚肉、三文魚子都非常新鮮; 飯粒嘅煙韌度啱啱好。抵食!< 牛油果蟹籽軟殼蟹卷 > 鮮味嘅牛油果配蟹籽, 加上炸得鬆脆嘅軟殼蟹, 配搭非常清新好味。< 九州拉麵 > 湯底冇味精, 叉燒的肥瘦適中, 麵質可口、幼滑、彈牙。 木耳絲、昆布、蔥, 份量多,亦好味。溫泉蛋就麻麻地, 冇鹵水過, 亦冇溫泉蛋嘅效果。紫菜一上檯嘅時候已經浸曬落湯, 所以淋曬。