台灣麵

營業中

休息中

清明節,同細妹去完大鵬灣拜完外公外婆,忽然好想飲紅豆奶茶+椰果,所以去咗呢間台灣麵試吓!平時成日經過覺得呢間餐廳佈置都唔錯,人亦唔太多,即唔會太嘈,今次去都唔駛等位,我哋選咗近街嘅窗口卡位坐,幾舒服,唔錯!我叫咗個麵餐,鹵水豆腐雞蛋麵,有我喜歡嘅飲品,我唔鍾意食肉,啱晒我!麵有啲韌韌哋,啲餸同湯都唔錯,份量OK,仲有幾條菜,I like it!!最正係杯飲品,紅豆奶茶+椰果,係我嘅Favourite!!!不過如果大杯啲仲好!!成個餐都唔錯,細妹個麵同杯飲品(青蘋果乳酸)都OK!不過後尾見隔離嗰枱有麵有小食,再望真啲個餐牌,先知道原來有個茶餐比我哋叫嗰個仲抵!