Sogno Cafe+ (已結業)

本身諗住同朋友搵個地方飲野，所以上左去依間cafe. 冇諗過原來中環都有咁舒服既cafe. 可能因為星期日下午既關係，所以唔洗等位，環境幾舒服，地方都夠大，所以靜靜地傾計都幾好。有好多唔同既擺設，原來都可以買精品。仲有本簿仔可以比客人留言。個廁所都好花心思有擺設。間餐廳既餐牌都好有心思，可惜剛食完飯，所以冇機會試佢既食物。今次就試左杯普通latte, 都幾好飲。拉花拉得好好，因為飲到最後一啖時，個拉花都仲o係到。計埋加一$41。