芭堤雅小島泰式餐廳 (已結業)

聖誕假期過後嘅星期五，陽光普照，早上行完一個人都無嘅馬灣公園，再行去海灘，剛好12點，幾間餐廳都剛開門，對住海灘就想食泰國菜…午餐42蚊，3個人點左3個餐大家分享，海南雞飯，青咖哩豬配蒜蓉包，泰式炒貴刁雞肉。海南雞飯嘅雞肉一般，但飯味夠香，青咖哩汁吾辣同埋比較稀，但係有椰香，炒貴刁幾好味，但略為油膩，如炒乾身少少會更好，黎錯左個白飯，但即刻後送返個蒜蓉包蒜蓉包一粒粒好好味，吾記得同佢影張相，總括黎講質素好對得住個價錢， 呢個價錢就係好抵食!最後點多3杯青檸梳打，酸酸甜甜好解渴！揾次夜晚再去海灘，一定要再幫襯個晚餐先!