影片
更多
2014-12-01
943 瀏覽
之前某電視節目令幾位甜心先生越來越受人注意最初出現果位就係Thomas啦~去Thomas Trillion買蛋糕一向只可以帶走食用想好好地坐低品嚐嗎？依家去位於銅鑼灣利景酒店大堂嘅Le Petit Salon du Charterhouse就可以優雅地享受Thomas親手做嘅蛋糕同駐場咖啡師用心調配嘅咖啡啦~想搵個地方嘆下咖啡有時真係唔多想去連鎖果2間一來人多，二來咖啡唔係奶味過重就太甜完全冇咖啡味利景酒店算係一間小型酒店又位處銅鑼灣後街人流比較疏落可以喺酒店大堂一角靜靜地享用美食~Le Petit Salon提供多款咖啡、數款麵包及鬆餅當然仲有Thomas嘅蛋糕咖啡全部選用來自巴西、埃塞俄比亞及薩爾瓦多咖啡豆我就揀左杯Green Tea Latte散發清幽綠茶香氣出面飲特色latte都會用糖漿於是好易過甜呢度就真材實料用綠茶粉調配甜度適中，好順喉飲完唔會口渴~食甜品之前先試下牛角包外皮相當鬆脆內裡帶少許濕潤度牛油味不算重感覺比較健宜~2隻牛角尖唔會過硬如果熱食會更佳~呢塊Scone超大塊!最初好怕食唔哂食左第一口就停唔到了~新鮮出爐的scone異常鬆化平常配的都係 "實的的"用全脂奶
最初出現果位就係Thomas啦~
去Thomas Trillion買蛋糕一向只可以帶走食用
想好好地坐低品嚐嗎？
依家去位於銅鑼灣利景酒店大堂嘅
Le Petit Salon du Charterhouse
就可以優雅地享受Thomas親手做嘅蛋糕
同駐場咖啡師用心調配嘅咖啡啦~
想搵個地方嘆下咖啡有時真係唔多想去連鎖果2間
一來人多，二來咖啡唔係奶味過重就太甜
完全冇咖啡味
利景酒店算係一間小型酒店
又位處銅鑼灣後街
人流比較疏落
可以喺酒店大堂一角靜靜地享用美食~
Le Petit Salon提供多款咖啡、數款麵包及鬆餅當然仲有Thomas嘅蛋糕
咖啡全部選用來自巴西、埃塞俄比亞及薩爾瓦多咖啡豆
我就揀左杯Green Tea Latte散發清幽綠茶香氣
出面飲特色latte都會用糖漿
於是好易過甜
呢度就真材實料用綠茶粉調配
甜度適中，好順喉
飲完唔會口渴~
食甜品之前先試下牛角包外皮相當鬆脆
內裡帶少許濕潤度
牛油味不算重
感覺比較健宜~
2隻牛角尖唔會過硬
如果熱食會更佳~
呢塊Scone超大塊!最初好怕食唔哂
食左第一口就停唔到了~
新鮮出爐的scone異常鬆化
平常配的都係 "實的的"用全脂奶造的clotted cream
呢度就配上輕盈的cream
大大減少罪惡感~~
同時都可配士多啤梨醬
如果可以整到玫瑰花醬就更佳啦~
其實3年前曾經幫Marry Me雜誌訪問過Thomas Lui呢位甜品大師
即使佢做左30多年酒店餅房
到擁有自己嘅Thomas Trillion餅店
對西餅造型、味道仍然有極嚴謹要求
更加不斷追求創新同進步
出自佢手的作品就好似藝術品一樣精緻!
今次有幸品嚐其中4款
其中一件更加係只於Le Petit Salon出售~
造型最特別就係呢件 A for Apple
HK$60
內裡係杏仁海綿蛋糕、蘋果mousse仲有糖水煮過的蘋果粒
個樣似好甜
其實味道非常清淡
可能蘋果用糖水煮過
食落反而比較似桃~~
呢件就係Thomas特別為Le Petit Salon設計嘅signature cake"Le Petit" HK$60
裡面充滿住朱古力mousse、熱情果、橙、脆粒
奶味偏重的朱古力味之中
帶有淡淡的熱情果及橙香味
仲有細細脆粒增加豐富口感
另一以朱古力為主的Color Me深色的朱古力外層加上唔同顏色嘅方塊感覺可愛~
HK$60
內裡以朱古力海綿蛋糕、開心果、熱情果及芒果mousse仲有紅莓cream
味道甜中帶酸，十分清爽~
最後試試Classic Cheese Cake HK$45質感較實而濕潤
帶少許鬆軟感
芝士味唔算極濃郁
口感細滑不粗糙
令人食得舒服不黏喉~
Le Petit Salon du Charterhouse營業時間比較早好似7PM就收了
每天提供8款由Thomas製作的蛋糕
數量有限，賣哂就明天請早啦~
張貼
