影片
更多
2016-08-26
1895 瀏覽
一直都好想搵多d環境清靜，食物又好既西餐廳，傾計都可以傾得舒服開心，今次終於搵到，可以列入我收藏！一入門口吸引我既除左有前枱小姐親切笑容之外，重有整潔既bar枱，同符合高級餐廳應有既氣氛。坐低之後緊係即刻睇餐牌啦，太多野想食所以用左好耐時間，不過店員都無吹或者企喺身邊比壓力，反而先上麵包，可以一邊食一邊諗。暖暖既麵包，配上香草醬，醬料帶微微酸味外加少少蒜香，作為開胃食物一流，而且麵包面頭非常脆口，好中意呢種配搭！Nyc chopped salad沙律中有長條型芝士令口感更滿足，芝士只帶微鹹而且唔會好膩口，反而食完後有少少芝士香味由口腔滲透出來。而蝦新鮮當然係基本，而且蝦味濃郁，面頭雖然好多香料但都無遮蓋鮮味，加上牛油果切成細粒，更容易撈勻整個沙律。Grilled Octopus一上枱既時候已經比呢道菜既香味吸引左，有鮮甜既蕃茄仔，脆口既小薯角做配菜，脆係好重要，好多時喺有醬料既菜色中薯角keep唔到脆身口感，而主角八爪魚好煙韌，面頭有一層帶有微微甜味既醬汁包裹住，非常美味！Deviled Crab Cake呢道crab cake，一上枱就比佢嘅放碟方式吸引左，我本來以為佢會好似 fis
一入門口吸引我既除左有前枱小姐親切笑容之外，重有整潔既bar枱，同符合高級餐廳應有既氣氛。
坐低之後緊係即刻睇餐牌啦，太多野想食所以用左好耐時間，不過店員都無吹或者企喺身邊比壓力，反而先上麵包，可以一邊食一邊諗。
暖暖既麵包，配上香草醬，醬料帶微微酸味外加少少蒜香，作為開胃食物一流，而且麵包面頭非常脆口，好中意呢種配搭！
Nyc chopped salad沙律中有長條型芝士令口感更滿足，芝士只帶微鹹而且唔會好膩口，反而食完後有少少芝士香味由口腔滲透出來。而蝦新鮮當然係基本，而且蝦味濃郁，面頭雖然好多香料但都無遮蓋鮮味，加上牛油果切成細粒，更容易撈勻整個沙律。
Grilled Octopus一上枱既時候已經比呢道菜既香味吸引左，有鮮甜既蕃茄仔，脆口既小薯角做配菜，脆係好重要，好多時喺有醬料既菜色中薯角keep唔到脆身口感，而主角八爪魚好煙韌，面頭有一層帶有微微甜味既醬汁包裹住，非常美味！
Deviled Crab Cake呢道crab cake，一上枱就比佢嘅放碟方式吸引左，我本來以為佢會好似 fish cake咁炸，點知佢係煎，唔單止保留左蟹嘅鮮味，亦令到果cake唔會好乾身，岩岩好。再可以配上三種source食，推介！
Piccante pita pizza一向認為pizza有少少辣先好味，而呢個就正正係我中意既味道，一點點辣用作剌激味蕾，pizza唔算好大，岩哂2個人食唔會太飽，辣肉腸+紅辣椒+芝士，面頭加上少量香草，pizza本身油膩但唔會好滯，邊皮烤得有種餅乾似的脆身質感，不錯！
未來呢間餐廳之前我都唔知香港原來有手工啤酒，見到有緊係要支持下本土製作啦！叫左一杯Amber ale 試下，其實我本身麻麻地啤酒，因為覺得好苦，點知呢個啤酒入口唔會好苦，仲有啲果香，好飲！
員工既服務質素都好高，有禮貌同效率呢d基本野當然有，更可以每道菜食完先上另一道，收野同時問一問對菜色既意見，感覺好好！
張貼
