糖太子甜品 (已結業)

同朋友行完街食完飯感覺意猶未盡，仲有好多傾唔完嘅話題，於是又搵個地方食下糖水先。就喺我地食飯地方附近，見到有間裝修得幾歐陸風嘅小店喎，襯住仲有位，就即刻入去坐先。原來呢度仲有埋晚餐食架，set dinner有大大塊西冷都係$88，最衰我地食飽左啦，如果唔係嚟呢度食都幾好呀。睇返甜品餐牌先，中西合壁，有中式糖水、窩夫、西米撈、牛乳布甸、拿玻崙、西式甜品、乳酪系列，淨係甜品都咁多花款。最後我地都係叫咗夢幻世界、同藍鳥乳酪。喺砵蘭街開間咁別緻嘅店舖，感覺有點沙漠中的綠洲。夢幻世界用芒果汁底，裡有鮮雜果、椰果、水晶珠、大粒西米。水晶珠食落好有口感，加埋新鮮生果一解飽滯感覺。朋友食的藍鳥，用料豐富，賣相已經好吸引。