影片
更多
2017-09-28
1677 瀏覽
搭友人去日本買野, 任務完成當然要約出黎交收啦, 為左答謝佢並預先同佢食生日飯, 訂好左呢間西餐廳係呢度食既好處就係晚餐有SET, 價錢唔算貴, 又唔駛點太花時間就可點餐, 一於每人一個特式晚餐!頭盤包括有2款沙律任擇, 點左凱撒沙律清新一下, 爽脆沙律菜配上香脆煙肉片加多士粒, 再灑上咸香芝士粉, 口感唔錯!友人唔多好"綠", 另加$58可升級至香煎法國鵝肝配焦糖酒醋藍莓, 香煎有一定厚度既鵝肝, 放少少焦糖酒醋藍莓調和一下, 香軟既鵝肝, 配埋脆多士一齊放入口, 鵝肝既油份係口腔內咇出黎, 然後又食到焦糖藍莓既甜味, 口感層次幾夾!頭盤食完就到湯出場, 另加$38可升級至呢2款餐湯: 黑松露菌忌廉湯 - 質感比較稠杰因有菌粒, 除增加香味仲有咬口感; 中間既黑松露為呢碗湯"賜予"獨有香味, 飲完都半飽!另一款為蟹肉南瓜忌廉湯 - 味道帶有濃香甜美南瓜味, 亦食到有南瓜絲, 加上蟹肉既鮮味, 較黑松露菌忌廉湯更易為人所接受!主菜要左呢客帶子黑松露野菌意大利飯 ($208), 份量夠二人分享, 意大利飯要煮得好食都幾花心思, 軟硬度要掌握得好, 呢客就做得唔錯, 每粒飯粒都夠索晒入味,
係呢度食既好處就係晚餐有SET, 價錢唔算貴, 又唔駛點太花時間就可點餐, 一於每人一個特式晚餐!
頭盤包括有2款沙律任擇, 點左凱撒沙律清新一下, 爽脆沙律菜配上香脆煙肉片加多士粒, 再灑上咸香芝士粉, 口感唔錯!
凱撒沙律
44 瀏覽
0 讚好
0 留言
友人唔多好"綠", 另加$58可升級至香煎法國鵝肝配焦糖酒醋藍莓, 香煎有一定厚度既鵝肝, 放少少焦糖酒醋藍莓調和一下, 香軟既鵝肝, 配埋脆多士一齊放入口, 鵝肝既油份係口腔內咇出黎, 然後又食到焦糖藍莓既甜味, 口感層次幾夾!
香煎法國鵝肝配焦糖酒醋藍莓
17 瀏覽
0 讚好
0 留言
頭盤食完就到湯出場, 另加$38可升級至呢2款餐湯: 黑松露菌忌廉湯 - 質感比較稠杰因有菌粒, 除增加香味仲有咬口感; 中間既黑松露為呢碗湯"賜予"獨有香味, 飲完都半飽!
黑松露菌忌廉湯
20 瀏覽
0 讚好
0 留言
另一款為蟹肉南瓜忌廉湯 - 味道帶有濃香甜美南瓜味, 亦食到有南瓜絲, 加上蟹肉既鮮味, 較黑松露菌忌廉湯更易為人所接受!
蟹肉南瓜忌廉湯
22 瀏覽
0 讚好
0 留言
主菜要左呢客帶子黑松露野菌意大利飯 ($208), 份量夠二人分享, 意大利飯要煮得好食都幾花心思, 軟硬度要掌握得好, 呢客就做得唔錯, 每粒飯粒都夠索晒入味, 加上香滑黑松露忌廉汁及清甜露荀, 食起黎唔會太"膩"; 另外2粒厚身帶子, 表面略煎至香脆, 咬到入面仍然係半生, 好有口感又唔會變韌身!
帶子黑松露野菌意大利飯
18 瀏覽
0 讚好
0 留言
要照顧下"肉食類"友人, 點了呢客德國式燒咸豬手 ($238), 一大隻燒豬手伴薯條及沙律菜, 燒豬手燒得皮脆, 廚師已切成一件件方便客人進食, 豬手肉質燒完都唔會變成"肉乾", 味道亦唔會過咸; 另外想講係佢既薯條都好好味, 食落香脆唔油膩, 灑上鹽粒好味道, 全部被吃掉
德國式燒咸豬手
13 瀏覽
0 讚好
0 留言
餐飲係呢杯造型超可愛既 3D 貓咪同魚仔 Cappuccino, 真係多謝沖調者既心思, 有D唔係幾捨得飲, 但唔飲咪浪費左佢既功夫?! 呷一口先感受到香滑奶泡, 細意享受呢杯泡沬咖啡, 水準絶對係連鎖店之上, 仲要唔駛再另加錢就可享受到! 讚^^
Cappuccino
17 瀏覽
0 讚好
0 留言
呢度真係要訂好位先好去, 眼見有D walk-in客都要踫壁, 可想而知呢間餐廳幾咁受人歡迎!
張貼
