荷蘭糖水 (已結業)

今日係元宵佳節，梗係要同大少食湯圓啦。響堅尼地城食完飯，一路慢慢散步路去荷蘭街食荷蘭糖水。我要大少一定要食湯圓，所以大少叫咗合桃露湯圓，而我就叫咗椰王湯圓加清心丸。個合桃露應該真係自己磨，唔似係開粉，但係就真係甜咗啲。我個燉椰王，除咗有新鮮椰肉，仲有海底椰，仲加埋清心丸同埋湯圓，真係好豐富。我個燉椰王都好甜，清心丸就好煙韌，個海底椰都燉到林晒。其實佢啲食品都算真材實料，只不過真係甜咗啲，如果個糖份調減少少，就會更加好。