Mela Italian & Spanish Cuisine (已搬遷) 新店位置

今日係💕元宵佳節，又有個藉口叫honey請我食好野喇！呵呵！前菜先黎一碟健康既蘋果+紅蔥頭+松子仁+藜麥沙律，沙律加入香橙油醋汁，味道酸甜清新，夠哂醒胃！小食：藍芝士焗雞翼🍗芝士醬汁唔係多，但味道非常濃郁，芝士控必食！雞翼分成單邊，唔洗擔心食得好論盡呀！美食當前仍然可以保持到女神儀態😉主食真係好味道不得了！！！黑松露牛肝菌手製闊條麵配溫泉蛋份量唔多，但高質素取勝！乾身既闊條麵配上濕潤嘅蛋汁同濃濃黑松露醬汁，味道一流👍🏻意想不到西班牙式燒豬排骨啖啖肉，骨好少😍😍😍味道似叉燒甜甜地，同時又食到香料既味道！再配上伴碟既甜椒醬，別有一番風味！左邊既蜜糖蘋果醋汁超愛！味道酸酸甜甜！橙汁也不錯，唔會好甜！