榕記火焰雞煲

營業中

休息中

由南邊圍搬到去大陂頭徑嘅元朗火焰雞煲，身邊已經好多朋友由舊鋪開始已話佢好食，再講到原來張家朗都是常客、食佢嘅signature 火焰雞。呢個火焰雞係加米酒入雞煲令成個雞煲升起火焰，所以每件雞都有香香的酒味，而食材非常新鮮，雞肉嫩口，配上秘醬油，食唔停口。其實去之前我哋已點選食材，所以一定食到你想食嘅海鮮，今日叫左聖子同花甲。當然仲有不可缺少嘅牛肉啦！而最意想不到是佢嘅油炸鬼，將佢放入雞煲煮嚟食，吸到雞煲湯味，食唔停口。食到最後，務必一定要叫一碗飯食（無論你幾飽都好），個飯由佢地專人幫你即場炒起，飯粒吸哂你食過既雞、海鮮、牛肉湯汁精華，簡直又邪惡又好食😋