影片
更多
2015-05-25
955 瀏覽
長假期有咩好做呢？行街睇戲實在太悶喇，不如出遠少少行下啦！不嬲都知元朗呢個地方多野食，加上睇到雜誌介紹，決定黎個元朗一天遊！香港人放假不嬲都晏起身，當然我同班FD都一樣啦，揸車去到已經2:30PM。岩岩好係下午茶時間，門口已經好多人等緊，大約等左7,8張枱就入得去嚕。OPEN AREA 既環境，感覺開揚，但有帳篷係上面，有少少陽光透入黎又唔驚過雲雨。Tea set 有4款，我地咁岩有4個人，緊係試晒4款唔同架啦！1) 流心芝士豬扒配沙律，本人係芝士迷，所以對所有芝士食品都非常有好感，呢個炸豬扒都整得唔錯，一切落去溶溶地既芝士湧晒出黎，最驚喜係旁邊既沙律都好足料，食到好多唔同種類既生果，抵讚！2) 南山特式三文治，又係好足料既一個公治，厚厚的果塊係炸魚柳，不過食落去既時候塊包已經淋左，無左烘底既口感，減左少少分。3) 經典牛肉漢堡，比較遜色，無任何伴碟，而且味道唔算好特別，塊牛肉仲加左頗多香草，掩蓋左原本的肉味。4) 炸雞脾配沙律／薯條，肥仔之選，一大啖咬落去，正！不過炸得有點乾，無乜雞脾本身既肉汁，有啲硬，可能當日實左太多人，時間控制得無咁好。每個下午茶餐跟一杯野飲，呢到最出名係冰柱奶
不嬲都知元朗呢個地方多野食，加上睇到雜誌介紹，決定黎個元朗一天遊！
香港人放假不嬲都晏起身，當然我同班FD都一樣啦，揸車去到已經2:30PM。
岩岩好係下午茶時間，門口已經好多人等緊，大約等左7,8張枱就入得去嚕。
OPEN AREA 既環境，感覺開揚，但有帳篷係上面，有少少陽光透入黎又唔驚過雲雨。
Tea set 有4款，我地咁岩有4個人，緊係試晒4款唔同架啦！1) 流心芝士豬扒配沙律，本人係芝士迷，所以對所有芝士食品都非常有好感，呢個炸豬扒都整得唔錯，一切落去溶溶地既芝士湧晒出黎，最驚喜係旁邊既沙律都好足料，食到好多唔同種類既生果，抵讚！
2) 南山特式三文治，又係好足料既一個公治，厚厚的果塊係炸魚柳，不過食落去既時候塊包已經淋左，無左烘底既口感，減左少少分。
3) 經典牛肉漢堡，比較遜色，無任何伴碟，而且味道唔算好特別，塊牛肉仲加左頗多香草，掩蓋左原本的肉味。
4) 炸雞脾配沙律／薯條，肥仔之選，一大啖咬落去，正！不過炸得有點乾，無乜雞脾本身既肉汁，有啲硬，可能當日實左太多人，時間控制得無咁好。
每個下午茶餐跟一杯野飲，呢到最出名係冰柱奶茶，用奶茶雪一條冰柱，就唔會令到杯飲品淡味左，可惜每日限定，我地落單時候已經賣晒了，下次有機會早啲再去試！每個TEA SET連野飲都係＄50-60，以食物質素同環境，總括黎講性價比算幾高！
題外話/補充資料：
餐廳係圍村附近，所以外面有好多位置俾大家泊車，對於揸車既朋友非常方便呀！
(以上食評乃用戶個人意見 , 並不代表OpenRice之觀點。)
張貼
