醉權

營業中

休息中

話說我朋友好鬼鍾意食醉野佢話要專登去元朗呢一間醉權試下，因為佢個朋友之前食過覺得唔錯價錢又夠平民，所以就叫我一齊去。坐低咗間鋪唔係好大得四五張枱左右，變咗個Menu嚟睇都好多款食物可以揀價錢又真係唔貴，我哋揀咗幾款黎食醉蛋，呢個係溜心蛋嚟嘅，食落好有酒味，裏面啲蛋黃好滑，好有口感。醉鮑魚，都幾大隻而且整得好入味好彈牙，值得推介。蛋黃炸雲吞呢個蛋黃炸雲吞果然唔錯，每粒中間都有唔少蛋黃，外層脆卜卜，食落去好香口，加埋啲蛋黃香味，再點埋啲甜酸醬味道好夾。炸花枝丸呢個花枝丸上碟出嚟好新鮮熱辣辣，外皮香口裏面彈牙，食落好滋味。醉雞，隻雞外皮好靚，雞皮同啲雞肉都好滑，而且啲雞好有酒味，好正雖然元朗對於我哋啲九龍友黎講係遠啲，不過以咁嘅價錢又真係抵食幾值得去，下次我朋友都話會再黎過。