影片
更多
2023-06-10
239 瀏覽
-𝙂𝙧𝙖𝙣𝙖𝙙𝙖 𝙗𝙮 𝙅𝙒 🇲🇫話說前排去左法國幾日 都食唔到好味既法國野為左一了心願 就算番到香港都想食番餐好味既法國菜今次畀我發掘到元朗有間低奢既法國餐館所有食材配搭 設計 講解都係由主廚JO 一手一腳去做而用料同味道係拍得住港島區既高級法國餐廳非常有誠意 重點係價錢比平時食Fine dining 實惠得多! ✨ 6 Course Dinner Menu ($1088/pp)Appetizer 🦪蒸日本生蠔凍盤 - 用上新鮮獨眼龍生蠔 蒸到 6成熟有成隻手掌咁大 肉質非常肥美爽口 海水味唔會好重比較食得到個甘甜鮮味 帶有礦物味 唔怕有金屬味 配上白露荀汁 山女魚子 紫菜油 用檸檬汁醃過芥蘭片食落酸酸鹹鹹 係一道好清爽 好開胃既前菜~🐟煙燻拖羅係一道啟發自北歐菜既創意料理用上熟成7日既西班牙拖羅 色澤較深 鮮味濃郁肉質結實得黎唔會好韌 腩位會有少少根熟成再用煙燻處理 所以邊食邊散發出好香既煙燻味 配上發酵士多啤梨粒 茴香 同手指檸檬食落微酸 有檸檬香 又帶有鹹鮮味 味道層次豐富🐣鵪鶉雞肝醬肉凍 (二選一）肉食冷盤 - 鵪鶉肉凍都係第一次食 肉質鮮嫰加埋雞肝醬撈埋 再加入左甘荀 口感
𝙂𝙧𝙖𝙣𝙖𝙙𝙖 𝙗𝙮 𝙅𝙒 🇲🇫
話說前排去左法國幾日 都食唔到好味既法國野
為左一了心願 就算番到香港都想食番餐好味既法國菜
今次畀我發掘到元朗有間低奢既法國餐館
所有食材配搭 設計 講解都係由主廚JO 一手一腳去做
而用料同味道係拍得住港島區既高級法國餐廳
非常有誠意 重點係價錢比平時食Fine dining 實惠得多!
✨ 6 Course Dinner Menu ($1088/pp)
Appetizer
🦪蒸日本生蠔
凍盤 - 用上新鮮獨眼龍生蠔 蒸到 6成熟
有成隻手掌咁大 肉質非常肥美爽口 海水味唔會好重
比較食得到個甘甜鮮味 帶有礦物味 唔怕有金屬味
配上白露荀汁 山女魚子 紫菜油 用檸檬汁醃過芥蘭片
食落酸酸鹹鹹 係一道好清爽 好開胃既前菜~
🐟煙燻拖羅
係一道啟發自北歐菜既創意料理
用上熟成7日既西班牙拖羅 色澤較深 鮮味濃郁
肉質結實得黎唔會好韌 腩位會有少少根
熟成再用煙燻處理 所以邊食邊散發出好香既煙燻味
配上發酵士多啤梨粒 茴香 同手指檸檬
食落微酸 有檸檬香 又帶有鹹鮮味 味道層次豐富
🐣鵪鶉雞肝醬肉凍 (二選一）
肉食冷盤 - 鵪鶉肉凍都係第一次食 肉質鮮嫰
加埋雞肝醬撈埋 再加入左甘荀 口感豐富 又唔怕腥
另登用日本梅 + 紫蘇葉做既汁 食落酸酸甜甜
散發住紫蘇葉獨特香味 都係好開胃的
🥬千層有機菜頭（二選一）
素食熱盤 - 用左烤千層既做法去烤有機法國黃菜頭
想講呢個係極有驚喜 睇落好似平平無奇 但為勁好味🥰
烤過既黃菜頭會令甜度釋放得更加明顯 完全冇草青味
食落好似加左蜂蜜咁 入面仲有發酥椰菜花 芝士泡沫
焦化洋蔥粒 食落係又甜又清新 連啲汁都舔得乾乾淨淨🤤
🦪煎燒北海道帶子
用上Omakase 專用珍寶級北海道帶子刺身 鮮甜味美！
呢道特別之處係 個汁用左瑤柱熬製而成 鮮味香濃
仲有菊芋 + 意大利烏魚子碎 食落鮮味滿滿又甘甜🤤
🍞酸種麵包 配青蒜鯷魚牛油
麵包係自家工廠做 新鮮滾熱辣 又香脆！
而個牛油都係好特別 又有香蒜味 又有鯷魚既鹹鮮味~
🦀皇帝蟹杏仁洋蔥湯 （+$220）
用左挪威帝王蟹肉 配搭洋蔥湯底
蟹肉份量非常有誠意 所以個蟹味係好濃郁
加入杏仁泡泡 榛子油 多左一份乾果香氣 幾好飲~
Main
🐣燒法國黄雞
將法國走地黃雞熟成6日 再去燒🤤
令到雞肉味濃郁 水份收乾 皮再脆啲 配上羊肚菌雞汁
🐟烤鹰鯧魚
用左本地鷹鯧魚 啖啖肉 魚味濃郁 煎得皮脆魚香
Dessert
🥧 焦糖玉桂蘋果撻 (+$68)
用左千層去砌蘋果撻 蘋果煮至收汁
蘋果味相當濃郁啲 個味道拍得住我為歐洲食既🥰
當中有雲呢拿cream 肉桂 少量檸檬~
張貼
