篤篤車 (已搬遷) 新店位置

今日同女朋友喺元朗打完羽毛球 大家都好攰啦 所以食番啲澱粉質補充下能量 行過見到有間車仔麵 睇落好似好好食 所以就入去試下啦 首先入到去叫咗一個辣湯 入面有雞翼 牛腩 而女朋友就叫咗清湯 有冬菇 響鈴 酸菜 同埋雞腎辣湯真係名不虛傳 真係幾辣 辣到我係咁飲水 好刺激呀 但係啲牛腩 完全吸收哂啲湯味 除咗刺激之外仲有濃郁嘅牛肉味 嘩真係正呀 食到我一路係咁標汗而女朋友嗰款比較清 冬菇 好鮮味 而且其他配料 都完全吸收曬湯嘅精華 雞腎個樣雖然似叉燒但係非常之有咬口 值得一讚 之後我哋再叫多一個 炸雞翼 呢個炸雞翼炸得非常之香脆可口 點咗酸辣嘅汁 味道更加有層次 非常非常之好食最後就叫埋嘢飲 叫左青檸梳打 貪佢冰凍之餘 酸酸嘅味道亦都可以為我哋解辣同埋解滯