INN - I’m Not Nothing (已結業)

因為工作關係所以又要入元朗~ 收工之後就響yoho mall一帶四圍行下，意外發現呢間隱匿於小巷附近嘅西餐廳由於佢嘅門面好有外國feel, 同周圍嘅環境完全係兩回事~ 咁反正我又未食晏，就俾呢間餐廳嘅外觀吸引咗入去~ 希望食物都好食啦我揀咗香燒焗豬肉眼配玉桂蘋果醬+西柚檸檬梳打~ 首先原來有磨菇餐湯跟埋，磨菇味都幾香濃兼幾飽肚, 唔錯至於個主菜豬肉眼同玉桂蘋果居然出奇地夾! 令成個肉嘅感覺更加清新~ 肉都幾大塊，初頭望落以為會偏乾同硬，但點知食落又ok, 成個配搭幾有新鮮感，值得一試個梳打我都幾鐘意，因為飲落味道唔會好人工好假，加上真係有舊西柚響入面，絕對係清新之選我覺得呢道環境唔錯，都幾岩三五知己坐低慢慢傾計，可惜今次我得一個人，下次如果有朋友同我嚟，希望可以試埋crepe