AFTER TEN (已結業)

呢幾年除咗深水埗不斷有新嘅Cafe開張，其實元朗國都有唔少咖啡小店冒出頭。今次就同老婆去新開嘅After Ten Chill一chill💁🏻‍♂️首先佢呢杯「肥威」好貼心，可以俾你揀唔同嘅糖嘅種類，老婆揀咗黑糖，夾埋咖啡香同奶香，都係一個幾新鮮嘅味道。而我就嗌咗呢杯dirty，最神奇嘅係佢可以做到用奶包住嗰層咖啡。一開始飲，未攪勻嘅時候可以飲到齋啡嘅苦，然後飲多少少，就會開始有啲奶入口，兩者就會自然係個口度融合，啱晒我呢啲貪心嘅人，既可以試到純咖啡嘅苦，又可以被飲到Latte嘅味道😂成個環境都幾舒服，落地大玻璃有自然光照入嚟，好適合喺度Hea一個晏晝。