永順食店 (已結業)

平時都係做帶隊搵好野食個嗰，今次倒番轉頭，由兩老帶我食好野喇—元朗馳名掛汁沙嗲牛肉麵！一見到條隊本身有啲卻步，但香港茶記夠晒快靚正，條隊都消得幾快，等咗10分鐘左右就可以入座。佢仲分左兩邊舖位，主店個邊光潔明亮，另一邊就比較暗，但都感覺乾淨。麵有米粉、米線、烏冬、出前一丁、蟹王麵等選擇，（我食過嘅）個人推薦出前一丁>烏冬>蟹王麵。一丁掛汁一流，相信冇乜人唔同意啦，而烏冬就少咗陣油炸嘅味，特顯沙嗲汁嘅惹味，而蟹王麵對我而言就一般啦，麵身比較淋，冇一丁咁彈牙，但係其他茶記都比較少見，未試過嘅都值得一試～重點黎啦—沙嗲牛肉，濃濃的花生醬，牛肉唔會過鞋，亦冇拿到不似肉形！