JP Cafe (已結業)

星期日好想搵個舒服啲嘅地方歎下書同咖啡，而屯門又冇咩好咖啡飲，就近近地嚟到元朗嘞，喺大棠站落車，行前少少就到。原來係三聯嘅旗艦店，好大間，睇咗一陣就坐低咗，叫咗一杯cappuccino ，hazelnut latte 同埋blueberry muffin. 本身其實係想飮手沖咖啡，不過竟然係會賣曬，真係過份,招牌咖啡點可以喺下午3：00幾就無？！好算，見到佢地用外賣杯裝？心諗，連瓦杯都冇？拉花都慳返？！又唔喎，打開係有㗎喎～同之前嘅食評一樣，只有奶香，無咖啡香，坐喺bar枱前，全無咖啡味。好試下個muffin先，整返熱拎過嚟嘅時間好香，不過點解上面個醬係紅色嘅？裡面亦未見有藍莓，食落都只係有奶味。結論係，行書局行到攰攰地，坐下係幾ok嘅，不過如果愛咖啡嘅你，就無需要專程來了。