古味坊 (已結業)

🔸原味古早味蛋糕🔸黑糖味古早味蛋糕-因為疫情緣故少咗出街食嘢，放假都少咗戶外嘅活動，今日星期六就去咗住元朗嘅朋友屋企玩。佢知道我鍾意食古早味蛋糕，就帶我去附近新開嘅一間古早味蛋糕店買上屋企一齊食。因為太受歡迎，我哋去到淨返好少量，而排到我時已經剩返最後兩件，仲有我哋最想食嘅芝士咸蛋黃味都賣晒，最後只係買咗原味同黑糖。排我哋後面嘅食客都已經買唔到了。果然蛋糕非常鬆軟，又好重蛋味，雖然大大件，但係開心share好快就清晒！想食嘅朋友記得留意蛋糕出爐時間啦！