Story Steak & Pasta (已結業)

是日出左元朗搵西餐廳，朋友介紹黎呢間試，見佢都爆場，就決定幫襯。我地兩個人各自點左美國安格斯西冷牛扒餐同特色雜扒餐，二個都配意粉。一上枱，我地都嘩左一聲，因為真係好大份，除左肉份量夠大之外，配菜既意粉都好多，好彩我同朋友都大食，先食得晒。西冷牛扒7成煮得剛好，唔會太紅淋淋或者太韌，又保持到有肉汁同牛肉香。雜扒有齊牛肩胛，羊架，烤雞，紐倫堡腸煎蛋~ 夠曬豐富又大份。另外仲點左個雞翼做小食，熱辣辣又juicy,唔會太乾身，好值得試下。