Urban United Burger & Bar (已結業)

一直都好鍾意呢間元朗又新街嘅美式漢堡包店，店舖外型同裝潢都好有心思，走外國街頭小店嘅風格。呢間餐廳除咗主打嘅burger，仲有多款美式食物比客人揀，包括意粉、All Day Breakfast、salad等等～每款漢堡包睇落都好吸引，最後揀咗「亞特蘭大烤菇堡」：大大個熱辣辣嘅烤菇好吸引！巨型烤菇好juicy，食嘅時候，大啡菇嘅汁會不停爆汁，口感柔軟，菇味鮮甜又濃郁！另外仲點咗炸薯角同朋友一齊開心share～金黃色嘅炸薯角睇見都開心，薯角炸至外層香脆帶點微焦、內裡好綿軟，蘸埋茄汁食仲滋味。