新記煲仔雞粥 (已結業)

男友尋日返完通宵更今朝返黎元朗同我一齊食brunch😀唔知食咩好就決定清清地食碗粥，好過成日麥記/茶餐廳早餐咁悶🙈我叫咗個煲仔生滾貴妃雞黃鱔豬肚粥，男友叫咗豬潤炒麵同泰式鳳爪～粥底好綿，好重雞油香味👍雞肉非常嫰滑，有啲鹹味似客家鹹雞粥😅 豬肚唔韌，黃鱔完全唔腥而且好爽脆，有個煲仔保溫所以食到最後啲粥都係熱👍果然係招牌菜式👏 炒麵即叫即炒，食落好有鑊氣，啲麵夠乾身，好香豉油味豬潤爽口唔粉，係我中意食既口感😋泰式鳳爪無乜骨夠晒方便👏 微微辣兼好香芝麻味，唔錯👍呢度食物好多選擇，似係大排檔，粥舖同茶餐廳既混合體，岩晒我呢啲咩都想食既麻煩人🤣