影片
更多
2018-08-04
127 瀏覽
今日老公生日，豬帶老公去食好野。呢間逸之燒喺元朗雞地yoho mall附近，食完呢個晚餐後，豬覺得如果喺yoho mall揀貴格而又並非好好質素嘅日本野食，不如行多幾步黎呢到，因為豬覺得佢抵食又好味內裏環境乾淨舒適，我地6點半去，食左個半鐘，出面已經好多人，但唔會有限時，店員只會同walk in入黎嘅客人講滿座，所以如果冇book位就真係要耐心等下。日式薄餅嘅賣相非常之靚，有好多木魚絲，紫菜同埋醬汁鋪喺上面，粉漿唔厚，味道香濃但唔會太鹹。章魚小丸串，即叫即燒，喺熱辣辣上枱，每粒小丸子都有一粒章魚，外脆內軟，唔會有厚粉嘅感覺。炸沖繩芝麻雞翼，外層炸到好香脆，雞翼內裏肉質非常嫩滑而且入味，有芝麻嘅香味，唔會好油，同埋完全無雪藏味。 炸軟殼蟹，炸粉薄脆，唔會好油膩，甘香美味。角切魚生飯，呢個係一個好好食嘅魚生飯。顏色配搭明顯花過心機，魚生本身有紅色有橙色，另外用左青瓜同玉子嘅綠色，黃色做配襯，色彩繽紛，非常吸引。粒粒魚生都大大粒，用嘅都係新鮮嘅材料，份量好多，而且青瓜玉子除左有顏色配襯嘅用處外，仲令到魚生飯多左份清甜嘅味道。安格斯牛小排鍋，我地揀左昆布湯底， 我地先將新鮮嘅蔬菜同滿滿嘅菇放入
內裏環境乾淨舒適，我地6點半去，食左個半鐘，出面已經好多人，但唔會有限時，店員只會同walk in入黎嘅客人講滿座，所以如果冇book位就真係要耐心等下。
日式薄餅嘅賣相非常之靚，有好多木魚絲，紫菜同埋醬汁鋪喺上面，粉漿唔厚，味道香濃但唔會太鹹。
日式薄餅
15 瀏覽
0 讚好
0 留言
章魚小丸串，即叫即燒，喺熱辣辣上枱，每粒小丸子都有一粒章魚，外脆內軟，唔會有厚粉嘅感覺。
章魚小丸串
25 瀏覽
0 讚好
0 留言
炸沖繩芝麻雞翼，外層炸到好香脆，雞翼內裏肉質非常嫩滑而且入味，有芝麻嘅香味，唔會好油，同埋完全無雪藏味。
炸沖繩芝麻雞翼
67 瀏覽
0 讚好
0 留言
炸軟殼蟹，炸粉薄脆，唔會好油膩，甘香美味。
炸軟殼蟹
23 瀏覽
0 讚好
0 留言
角切魚生飯，呢個係一個好好食嘅魚生飯。顏色配搭明顯花過心機，魚生本身有紅色有橙色，另外用左青瓜同玉子嘅綠色，黃色做配襯，色彩繽紛，非常吸引。粒粒魚生都大大粒，用嘅都係新鮮嘅材料，份量好多，而且青瓜玉子除左有顏色配襯嘅用處外，仲令到魚生飯多左份清甜嘅味道。
角切魚生飯
42 瀏覽
0 讚好
0 留言
安格斯牛小排鍋，我地揀左昆布湯底， 我地先將新鮮嘅蔬菜同滿滿嘅菇放入湯底，蔬菜索晒昆布嘅鮮味，清清甜甜。食完菜就食埋d肉，安格斯牛嘅顏色鮮艷，表面嘅網紋好靚，脂肪比例均勻，食落肉汁鮮嫩，牛油香味濃郁
安格斯牛小排鍋
14 瀏覽
0 讚好
0 留言
安格斯牛小排鍋
21 瀏覽
0 讚好
0 留言
胡麻冷豆腐，豆腐嫩滑有豆香，配上帶甜酸濃香嘅胡麻醬，開胃好味，仲有新鮮嘅沙律菜。
胡麻冷豆腐
10 瀏覽
0 讚好
0 留言
三文魚刺身，色澤鮮明呈橙紅色，每件厚身肥美，脂肪紋分佈鮮明，而且肉質堅挺，非常新鮮。
三文魚刺身
22 瀏覽
0 讚好
0 留言
呢度提供左2款味道嘅sorbet選擇，有菠蘿，柚子，我地揀左柚子，賣相吸引，睇見已垂涎三尺。味道甜點酸酸，可以解除飽滯感之餘，喺炎炎夏日裏面亦加點可消下暑
柚子sorbet
17 瀏覽
0 讚好
0 留言
最後要讚下餐廳服務，店員殷勤有禮又細心，十分欣賞
張貼
