影片
更多
2019-11-27
763 瀏覽
因為太夜周圍都收哂，所以想搵一間岩食既野都幾難，行到一條巷仔度見到呢間好似茶記，但又食日本野既食店，膽粗粗試下。幫襯原因完全係因為女侍應定老闆娘係門口熱情介紹，所以入去捧下場朋友叫左個生薑豬肉飯，隻碗好日本松屋feel, 雖然間店裝修半點日本風都無，但隻碗救一救返佢。豬肉好多，算係咁，但有點小貴，成五十幾蚊，呢個飯係日本食只係最多收$35，不過就無野飲，咁佢而家包埋野飲，算啦，香港地價貴人工貴食落肉片都幾厚，味道尚可，不過不失，無驚喜。之後我叫左芝士雞扒炸蝦飯佢個芝士汁有一督好怪雞既藍色汁，我朋友話而家興，但我覺得好嘔心，始終藍色既食物不嬲都唔討好，令人無食慾，所以佢呢個用蝶豆花調既汁，我唔buy sorry. 芝士汁，無乜芝士味，同出面既白汁無分別，連鹽都唔知有無落，好淡，完全唔覺自己食緊芝士汁，希望佢之後會落返多d芝士啦。雞扒 - 一般，正常炸蝦 - 一般，正常蓮藕 - 呢個幾開心 因為好少見 無咁寡飲品都係香港典型茶記野，其實唔係好知佢定位係日本菜定茶記，好模糊，裡面既裝修擺設又好古怪，九唔搭八，但坐位都算係舒服，服務態度又幾好，我估佢新開左無耐，所以仲未掌握到一間食店應該有既定
幫襯原因完全係因為女侍應定老闆娘係門口熱情介紹，所以入去捧下場
朋友叫左個生薑豬肉飯，隻碗好日本松屋feel, 雖然間店裝修半點日本風都無，但隻碗救一救返佢。
豬肉好多，算係咁，但有點小貴，成五十幾蚊，呢個飯係日本食只係最多收$35，不過就無野飲，咁佢而家包埋野飲，算啦，香港地價貴人工貴
食落肉片都幾厚，味道尚可，不過不失，無驚喜。
之後我叫左芝士雞扒炸蝦飯
佢個芝士汁有一督好怪雞既藍色汁，我朋友話而家興，但我覺得好嘔心，始終藍色既食物不嬲都唔討好，令人無食慾，所以佢呢個用蝶豆花調既汁，我唔buy sorry.
芝士汁，無乜芝士味，同出面既白汁無分別，連鹽都唔知有無落，好淡，完全唔覺自己食緊芝士汁，希望佢之後會落返多d芝士啦。
雞扒 - 一般，正常
炸蝦 - 一般，正常
蓮藕 - 呢個幾開心 因為好少見 無咁寡
飲品都係香港典型茶記野，其實唔係好知佢定位係日本菜定茶記，好模糊，裡面既裝修擺設又好古怪，九唔搭八，但坐位都算係舒服，服務態度又幾好，我估佢新開左無耐，所以仲未掌握到一間食店應該有既定位同風格，而家真係有d唔湯唔水咁。
張貼
