雋太日本料理 (已結業)

早排學校考完試，約左個老死去食放題慶祝一下，揀左元朗呢間雋太放題，因為之前同屋企人食過，味道唔錯，值得再試&推介比朋友。只不過呢間放題位置都幾偏僻，落左輕鐵/西鐵都要行5-15分鐘路程同埋都幾難搵(對於唔係住元朗既人)。一如以往啦，每一個Timeslot開始之前30分鐘已經有人排隊，去到開始果陣門口更加係迫滿人，所以可以的話記得訂位！刺身種類都叫做足夠，味道都唔錯，推介食甜蝦，大隻又好食！呢間放題仲會有生蠔食，不過要加錢，鍾意食生蠔既朋友呢間放題非常岩你！其實食物味道不過不失啦，天婦羅略嫌多左少少粉。純粹個人喜好，本人非常鍾意食泡芙，所以見到呢間放題有提供都幾驚訝！其他甜品更加有Movenpick雪糕，不過之前同屋企人食果過仲係任叫，宜家限左每人只可以叫一個。Overall 味道唔錯，價錢可接受，算係物有所值。服務都抵讚，員工態度好，無漏單，上菜快！只不過座位有少少迫，多人果陣要搭枱，出入都幾唔方便。