新麻蒲 BBQ (形點) (已結業)

近年韓燒店林立，元朗亦有好幾間，但真正韓風燒烤嘅不多，新麻蒲算係好韓風嘅一間。坐低會送上生菜，沙律，醬料，前菜等，這裏嘅沙律用上黑芝麻醬，幾特別，但少了點酸味。是晚前菜，這些都可以無限refill的，自家制無添加，食得安心。叫套餐會有這個火灸牛肉壽司(?)，店員係面前燒的，有姿勢有實際，幾好味喎。點了套餐，用上三層架擺放，賣相靚又慳位。食韓燒至愛爐邊蛋，這裏的蛋加入泡菜。一開始就燒五花腩，至肥的肉，店員見狀幫我地換上烤盤不用網燒，佢話肥肉咁樣燒無咁搶火。燒走上黎嘅五花腩真係肥美又甘香，整返個生菜包食下先。淨係燒肉有啲悶嘅，叫左啲海鮮試下，大量芝士喺面，睇見都相食呀～黎啦黎啦，燒到滆嘅芝士呀～正正正！燒肉，燒什菌，燒海鮮，不停手～除左蛋同芝士，至愛牛肋肉同牛肩肉，肉味濃，燒得耐左都唔會過韌。最後～梗系要甜品啦～叫左萬聖節期間限定嘅雪花冰，奶味濃，再加左大量草莓醬甜甜酸酸，好好味！手指用曲奇做，眼睛用粉霜做，好味又得意！是晚坐最盡頭位，略微不夠冷氣，對住個爐燒真係幾熱架。