千杯串居酒屋

營業中

休息中

今日朋友帶我去到元朗朗屏之間既中間點，帶我食牛魔王，我就問問朋友咩叫牛魔王！佢話呢一個係店舖必食嘅牛肉套餐！跟住佢再話帶我去食好特別嘅甜品！呢間餐廳嘅裝修風格非常之日系潮流時尚又帶一啲日式文化！顏色用深色做主調！四周圍都有畫報非常美觀精神！餐廳嘅座位位置亦都好闊落坐落去亦都好舒適！第一道菜：牛魔王拼盤指嘅係咩？入面有燒牛舌x2 燒和牛x2；之後仲有燒牛柳x2最後就係燒香菇x1牛脷咬落去入口即溶，肉質非常彈牙！而燒黃牛嘅感覺正正相反食落去幼嫩彈滑：充滿肉汁非常Juicy！而燒牛柳就比較硬身，但係食落去亦都有一個好好食嘅感覺！燒香菇非常之香濃，味道濃郁！食到唔想停！飲品方面，今次叫咗個特飲寒天果檸檬果茶梳打；味道酸酸甜甜非常開胃！朋友就叫咗個寒天果巨峰提子梳打！呢個飲落去就偏甜，但係非常之突出到巨峰提子味道嘅感覺！最後就係佢介紹我必食嘅甜品！宇治綠茶紅豆雪糕！啖啖雪糕都充滿着紅豆非常過癮！再加上配上朱古力嘅餅乾，再加消化餅餅碎係底！成個甜品層次非常豐富食落好難忘！