影片
更多
2021-10-02
174 瀏覽
喺元朗嘅優質鐵板燒唔多，朋友介紹我呢一間譽鐵板燒， 喺水邊圍邨嗰邊嘅煌府惠康對面，佢話個性價比超高，今日難得放假就同伴侶過嚟試下。揀咗個櫻一人前套餐，套餐包括沙律、燒魚、帆立貝、鵝肝、特定牛肉、麵豉湯、炒飯同埋甜品，有夠抵食。前菜係哈密瓜藍莓 parma ham 配金柚汁，用 parma ham嚟襯哈密瓜就食得多，估唔到用埋藍莓同埋金柚汁嚟配襯整個食味就截然不同，哈密瓜同我前幾日食嗰個夕張蜜瓜味道一樣，用料新鮮。北海道帶子，新鮮北海道帶子底下嘅係海膽汁，非常 creamy，帶子面頭嘅係三文魚籽同埋面頭自家調配嘅黑松露，帶子嘅鮮甜同埋三文魚籽嘅鹹鮮再配以少少黑松露嘅香氣，簡直係神來之筆。白甘鯛，甘鯛魚通常會連埋魚鱗一齊炸脆嚟食，只見廚師喺將甘鯛魚放落去油炸之前用溫度槍來回探測咗數次，確保達到最佳溫度，製作嚴謹認真，盡顯對烹飪嘅執著。所以出嚟嘅成品魚肉嫩滑到不可開交，魚皮粒粒酥脆，口感豐富，就咁食都已經相當享受，若然加上底下嘅明太子汁 一齊食就更加係畫龍點睛；伴碟嘅龍珠果同四季紅同時起到刺激同埋清新味蕾嘅效果，相當過癮。鵝肝，呢度嘅鵝肝同其他鐵板燒餐廳嘅唔同，廚師會喺差唔多煎熟鵝肝嘅時候喺
喺元朗嘅優質鐵板燒唔多，朋友介紹我呢一間譽鐵板燒， 喺水邊圍邨嗰邊嘅煌府惠康對面，佢話個性價比超高，今日難得放假就同伴侶過嚟試下。
揀咗個櫻一人前套餐，套餐包括沙律、燒魚、帆立貝、鵝肝、特定牛肉、麵豉湯、炒飯同埋甜品，有夠抵食。
前菜係哈密瓜藍莓 parma ham 配金柚汁，用 parma ham嚟襯哈密瓜就食得多，估唔到用埋藍莓同埋金柚汁嚟配襯整個食味就截然不同，哈密瓜同我前幾日食嗰個夕張蜜瓜味道一樣，用料新鮮。
北海道帶子，新鮮北海道帶子底下嘅係海膽汁，非常 creamy，帶子面頭嘅係三文魚籽同埋面頭自家調配嘅黑松露，帶子嘅鮮甜同埋三文魚籽嘅鹹鮮再配以少少黑松露嘅香氣，簡直係神來之筆。
白甘鯛，甘鯛魚通常會連埋魚鱗一齊炸脆嚟食，只見廚師喺將甘鯛魚放落去油炸之前用溫度槍來回探測咗數次，確保達到最佳溫度，製作嚴謹認真，盡顯對烹飪嘅執著。所以出嚟嘅成品魚肉嫩滑到不可開交，魚皮粒粒酥脆，口感豐富，就咁食都已經相當享受，若然加上底下嘅明太子汁 一齊食就更加係畫龍點睛；伴碟嘅龍珠果同四季紅同時起到刺激同埋清新味蕾嘅效果，相當過癮。
鵝肝，呢度嘅鵝肝同其他鐵板燒餐廳嘅唔同，廚師會喺差唔多煎熟鵝肝嘅時候喺上面灑上一粒粒好粗身嘅白糖 ，再用火槍將佢哋燒成焦糖，鵝肝香氣撲鼻，口感豐腴，同面頭薄脆嘅焦糖一齊食簡直係屈機，旁邊嘅日本鳥取梨極度清甜，啱啱好一洗鵝肝為口腔帶嚟嘅油份。
美國封門柳，喺封門牛柳粒左手邊嘅係鹽漬昆布，右手邊黃色嘅係即磨山葵油醋汁，廚師叫我哋如果覺得唔夠鹹就夾少少鹽漬昆布嚟一齊食，先至猛然醒起頭先廚師喺封門柳鐵板燒上面係無落過一滴鹽嘅，喺用昆布之前牛味盡顯 ，用咗昆布之後除咗吊起咗個鹹味之外仲有少少昆布嘅鮮香，非常美妙。
最估唔到連最尾簡單嘅麵豉湯同埋炒飯都有驚喜，呢度嘅麵豉湯係用蝦殼同煲，未放入口已經聞到陣陣嘅蝦味，有蝦味嘅麵豉湯都係第一次飲到，層次感豐；炒飯粒粒分明，本身已經係穩打穩紮嘅基本功，廚師巧妙地配上三文魚籽，又令到整個炒飯推上另一個層次。
甜品有芝士雪糕同埋開心果雪糕，前者芝士味道濃厚，配襯埋新鮮熱辣嘅焦糖多士，冰火交融令人異常滿足，為今日嘅鐵板燒畫上一個完滿嘅句號。
張貼
