影片
更多
2023-10-17
57 瀏覽
就位置黎講真係有啲山旯旮，朗屏站出去仲要起碼行多十幾分鐘，近工業區、整車附近，佢就係正個新落成朗壹廣場下面，我諗佢第日主打都係個到返工嘅人。蘭王蛋香葉辣肉碎飯 $78★★★★☆呢到食物嘅份量好足，中午去食都好多選擇，呢個飯幾惹味足料，撈完個飯肉碎都好平均。有香葉味但唔會太辣。撈埋個少生熟蘭王蛋，啲蛋液撈飯一流。泰式燒豬頸肉飯 $75★★★★☆豬頸肉份量超級多，邊邊位燒到有焦香感，食落爽彈，肥瘦剛好。配埋佢個酸辣汁食一流。餸飯一流鮮蝦粉金邊粉 $78★★★★☆金邊粉炒得算乾身，但都保留少少濕潤感，呢到個金邊粉就偏向酸甜味出啲，個人幾鍾意呢個口味。蝦用左鮮蝦整去哂殼，食落爽口彈牙。濕炒肥牛河粉 $78★★★☆☆呢個就不過不失，預期味道。河粉唔算煮到好軟爛，肥牛就普通牛肉。覺得整體個醬汁味道冇去到好突出。青咖哩燒雞扒飯 $82★★★☆☆青咖哩個味道唔錯幾好，重椰香味道，撈飯一流，但嫌佢個醬汁就稀左少少。燒雞扒都幾軟滑，但食落唔可以同個咖哩融為到一體，雞扒同個汁分開咁。炸蝦餅(8件) $58★★★★☆炸蝦餅開半有成8大件，小食黎講幾抵食。蝦餅熱辣辣，炸到外脆內彈，食落唔算超級多粉好膠感。串燒雙
蘭王蛋香葉辣肉碎飯 $78★★★★☆
呢到食物嘅份量好足，中午去食都好多選擇，呢個飯幾惹味足料，撈完個飯肉碎都好平均。有香葉味但唔會太辣。撈埋個少生熟蘭王蛋，啲蛋液撈飯一流。
泰式燒豬頸肉飯 $75★★★★☆
豬頸肉份量超級多，邊邊位燒到有焦香感，食落爽彈，肥瘦剛好。配埋佢個酸辣汁食一流。餸飯一流
鮮蝦粉金邊粉 $78★★★★☆
金邊粉炒得算乾身，但都保留少少濕潤感，呢到個金邊粉就偏向酸甜味出啲，個人幾鍾意呢個口味。蝦用左鮮蝦整去哂殼，食落爽口彈牙。
濕炒肥牛河粉 $78★★★☆☆
呢個就不過不失，預期味道。河粉唔算煮到好軟爛，肥牛就普通牛肉。覺得整體個醬汁味道冇去到好突出。
青咖哩燒雞扒飯 $82
★★★☆☆
青咖哩個味道唔錯幾好，重椰香味道，撈飯一流，但嫌佢個醬汁就稀左少少。燒雞扒都幾軟滑，但食落唔可以同個咖哩融為到一體，雞扒同個汁分開咁。
炸蝦餅(8件) $58★★★★☆
炸蝦餅開半有成8大件，小食黎講幾抵食。蝦餅熱辣辣，炸到外脆內彈，食落唔算超級多粉好膠感。
串燒雙拼(6串) $68★★★★☆
分別叫左豬同雞，兩款都好正！雞肉算係幾嫩，豬肉就正常。但食泰式串燒當然係食佢個沙嗲汁，好香濃沙嗲，加埋勁香花生味，夾小小椰香，正！
迷你芒果糯米飯 $24 ★★★☆☆
午市套餐可以加錢叫，但佢真係超級迷你版，如果唔太飽，一個人食哂完成唔係問題。首先個糯米煮得幾煙韌軟糯，食落仲有椰香味，但唔會太甜，幾好。但芒果就太酸，叫左幾份都同樣係咁酸，但食緊個陣理應係當造。
🌟總括：味道唔錯，份量足。不過係位置真係幾偏遠，住附近又有揸車都可以食，但跨區就冇需要。
張貼
